1 SAMUEL 3:11 - BIBEL JAMITA NA DENGGAN

¹¹ Dung i didok Tuhan ma tusia, “Giot baenonKu na jorbut maradopkon Israel, lopus dut roha ni sandok na umbegesa.

1 SAMUEL 3:11 ပူးပေါင်းရင်းမြစ်များ

2 RAJA-RAJA 21:12

Hara ni i, Au, Tuhan, Debata na nisomba ni bangso Israel, paroonKu ma bala godang tu Jerusalem dohot tu Juda lopus tarsonggot sanga ise halak na umbege taringot tusi.

JOB 41:9

Sanga ise halak na marnida Lewiatan, gale noma i lalu pangsan.

JESAYA 28:19

Dondonan ni siluluton noma hamu mardapot-dapot ganop ari; angkon taononmunu noma i manyogot, arian dohot borngin. Mur jorbut ma pangkilalaanmu muda mur diingot ho hata i.

JESAYA 29:14

Hara ni i, baenonKu ma parkaro halongangon tu bangso i, halongangon na pahomangkon roha. Gabe maoto ma halak na marroha, jana nada marguna be hamaloan ni halahi.”

JEREMIA 19:3

Dongkon ma, “Tangihon ma hata ni Tuhan, ale raja-raja ni Juda dohot rayat Jerusalem! Songon on ma hata ni Tuhan Na Markuaso, Debata ni Israel: Satutuna paroonKu ma parmaraan tu inganan on, gabe marnginging ma pinggol ni halak na umbegesa.

HABAKUK 1:5

Dung i didok Tuhan ma tu bangsoNia i, “Parrohahon ma angka bangso na humaliang hamu, jadi gabe homang ma hamu jana tarhalonong. Angke na giot adong do patupaonKu na so dihaporsayai hamu anggo hum dicaritohon sajo do tu hamu.

LUKAS 21:26

Jadi tarkatos ma jolma manusia hara ni na mabiar painte-intehon sanga aha na giot tarjadi di portibi on sude. Angke gabe humutur ma sude angka hagogoon na di langit.

BAENON NI ANGKA RASUL 13:41

‘Tangkas ma parrohahon hamu, ale angka pangincahi! Homang ma rohamunu, lopus mate! Angke Hubaen do di hatiha on pangalaho na so tarhaporsayai hamu sandiri, haru pe adong halak na patorangkonsa tu hamu.’ ”

1 SAMUEL 3:10

Dung i ro ma Tuhan jana jongjong di inganan i mamiohon mangulahi, “Samuel, Samuel!” Jana dialusi si Samuel ma, “Mangkuling ma Ho ale Tuhan, manangi-nangi do naposoMon.”

1 SAMUEL 4:10

Dung i marporang ma halak Pilistin i marsitutu jana ditaluhon halahi ma halak Israel. Marlojong ma halahi tu bandarna be. Hataluan godang do i: tolu pulu ribu hona bunu tentara ni Israel.