1 SAMUEL 29:7 - BIBEL JAMITA NA DENGGAN

⁷ Antong mulak ma ho di bagasan dame, jana ulang baen sanga aha na mangalap-alapi rimas ni halahi.”

1 SAMUEL 29:7 ပူးပေါင်းရင်းမြစ်များ

BILANGAN 22:34

Didok si Bileam ma, “Madung mardosa au. Nada huboto na jongjong do Ho di tonga dalan laho mangambat au. Jadi saonnari pe, muda sala do hutoruskon pardalananku mangihutkon pandapotMu, mulak pe au.”

1 SAMUEL 1:17

Dung i ninna si Eli ma, “Antong anggo songon i do, mulak ma ho dibagasan sonang. Sai dipatulus Debata ni Israel ma nian pangidoanmi.”

1 SAMUEL 29:6

Dung i dipio si Akhis ma si Daud jana didok ia ma, “Huoku do mangasahon Tuhan na mangolu i, anggo ho burju do tu au. Jop sajo do rohangku sugari tarbaen ho dohot mandongani au di parporangan on. Angke mamungka sian mulana na ro ho mandapotkon ahu lopus tu sadarion, nada adong dapot ahu dope hasalaanmu. Tapi anggo angka pamimpin na asing i nada por roha ni halahi tu ho.

1 SAMUEL 29:8

Dialusi si Daud ma, “Aha dehe hasalaan na hubaen, tuannami? Muda songon na nidok ni tuan i do, na so adong dapot tuan i hasalaan di au mamungka huoloi tuan i lopus tu hatiha on, biasi nada dipatola au marporang mangalo musu ni raja i lakna?”