1 SAMUEL 29:6 - BIBEL JAMITA NA DENGGAN

⁶ Dung i dipio si Akhis ma si Daud jana didok ia ma, “Huoku do mangasahon Tuhan na mangolu i, anggo ho burju do tu au. Jop sajo do rohangku sugari tarbaen ho dohot mandongani au di parporangan on. Angke mamungka sian mulana na ro ho mandapotkon ahu lopus tu sadarion, nada adong dapot ahu dope hasalaanmu. Tapi anggo angka pamimpin na asing i nada por roha ni halahi tu ho.

1 SAMUEL 29:6 ပူးပေါင်းရင်းမြစ်များ

PAMUNGKAAN 16:6

Dialusi si Abram ma, “Antong denggan. Hatobanmu jana ditoru ni kuasomu do i; baen ma roha-rohamu tusia.” Jadi dibaen si Sarai ma roha-rohania tu si Hagar, hara ni kejamnia gabe lari ma si Hagar.

2 SAMUEL 3:25

Pasti diboto raja i do, anggo haroro ni si Abner i hum na giot mangakali raja i do i dohot laho umboto pangalaho maradu sude pambaenan ni raja i.”

2 RAJA-RAJA 19:27

“Tapi Huboto do sasudena taringot tu ho. Huboto do sanga aha na nibaenmu jana sanga tu dia ho kehe. Jana Huboto do na marpiar-piar murukmu tu Au.

MASMUR 121:8

JagohononNia do ho laho ro dohot laho kehe, saonnari ro di salolot ni lolotna.

JESAYA 37:28

Tapi Huboto do sude taringot tu ho sandiri. Huboto do sanga aha na nibaenmu jana sanga na tu dia ho kehe. Huboto do na marsitutu murukmu tu Au.

JESAYA 65:16

Sanga ise di luat i na mangido pasupasu pangidoonna ma anso Au Debata na setia mamasumasu ia. Sanga ise na marsumpa, marsumpa ma mangasahon goarKu, Debata na setia. Marujung noma sitaonon di hatiha na salpu jana halupahonon.

JEREMIA 12:16

Muda ra halahi manjagit ugamo ni bangsongKu sian sandok roha ni halahi jana ra manyumpahon marhite na mandok, ‘Mangasahon Tuhan na mangolu i,’ – songon na niajaran ni halahi najolo bangsongKu marsumpa mangasahon Baal jadi gabe tarmasuk ma halahi gabe bangsongKu jana gabe maduma.

BILANGAN 27:17

Sada halak na tarbaen gabe panglima muda masa porang. Ulang ma padiar bangsomon songon habanan ni biri-biri na so marparmahan.”

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

JOSUA 22:30

Sude na nipajojor ni halahi na sian Marga Ruben, Gad dohot Manase Parhabincaran i, ditangihon Malim Pinehas do dohot sisampulu halak hatobangon ni rayat Israel na sian bagian Hasundutan ni Batang aek Jordan i. Jadi sombu ma pangkilalaan ni halahi umbege hatorangan i.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 PETRUS 3:16

Tapi mardongan lambok ni roha dohot hapantunon ma baen hamu i sudena. Jana angkon ias do taroktokmunu, anso maila sandiri sanga ise na manilakoi hamu hara ni na denggan pardalananmunu songon siihutkon Kristus.

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 28:10

Dung i disumpahon si Saul ma, didok ia ma, “Mangasahon Tuhan na mangolu i, marjanji au na so hona uhum ho hara ni na mambaen songon on.”

1 SAMUEL 29:3

Jadi di na niida ni angka panglima halahi, sapa-sapa ma angka panglima i, “Na mahua do angka halak Ibrani i dison?” Dialusi si Akhis ma, “Si Daud do on, pagawe ni Raja Saul humani sian Israel. Madung tar lolot ia tinggal rap dohot au. Mamungka sian na ro ia tu au lopus tu sadari on, nada adong dapot au dope hasalaannia.”

1 SAMUEL 29:7

Antong mulak ma ho di bagasan dame, jana ulang baen sanga aha na mangalap-alapi rimas ni halahi.”

1 SAMUEL 5:8

Jadi gabe dipiohon halahi ma raja ni halak Pilistin na lima i anso marlagut, lalu disapai halahi ma, “Bia do Poti Parjanjian ni Debata ni Israel i baenonta?” Dialusi angka raja-raja i ma, “Paimbar hamu ma i tu kota Gat.” Jadi gabe dipaimbar ma Poti i tu kota Gat, i ma sada kota ni halak Pilistin na asing.