1 SAMUEL 29:3 - BIBEL JAMITA NA DENGGAN

³ Jadi di na niida ni angka panglima halahi, sapa-sapa ma angka panglima i, “Na mahua do angka halak Ibrani i dison?” Dialusi si Akhis ma, “Si Daud do on, pagawe ni Raja Saul humani sian Israel. Madung tar lolot ia tinggal rap dohot au. Mamungka sian na ro ia tu au lopus tu sadari on, nada adong dapot au dope hasalaannia.”

1 SAMUEL 29:3 ပူးပေါင်းရင်းမြစ်များ

PAMUNGKAAN 14:13

Tapi adong ma sahalak na luncat jana dipaboa ia ma sude na masa i tu si Abram, halak Ibrani i. Donok tu harangan paribadatan nampuna ni si Mamre, halak Amori i do inganan ni si Abram. Dongan ni si Abram do si Mamre dohot kahangginia si Eskol dohot si Aner.

1 JUJUR TAON 12:19

Adong ma deba parajurit na sian Marga Manase na marbalik mamihak tu si Daud di na marporang ia dohot halak Pilistin mangalo Raja Saul. Satutuna nian nada pola na niurupannia halak Pilistin i; na disuru ni halak Pilistin i do ia mulak tu Ziklag hara ni na mabiar halahi betak marbalik ia lalu tu pihak ni Raja Saul jana dihianati ia halahi.

1 JUJUR TAON 12:20

Angka on ma goar-goar ni parporang na sian Marga Manase na taripar tu pihak ni si Daud di na mardalan ia tu Ziklag: Si Adnah, si Josabad, si Jediael, si Mikael, si Josabad, si Elihu dohot si Ziletai. Saribu be parajurit ni halahi.

DANIEL 6:5

Tapi dijalak-jalahi angka gubernur dohot parpangkat na gincat i ma hasalaan ni si Daniel di bagasan na mamarenta i tapi nada adong dapot halahi, angke na burju do si Daniel jana na tigor, boti nada adong dibaen ia hasalaan bagi aha pe.

JOHANNES 19:6

Dung diida angka kapala ni malim dohot angka panjago i Jesus, marsurak ma halahi, “Parsilangkon i! Parsilangkon i!” ning halahi. Ninna si Latus ma mandok halahi, “Hamu ma mambuat dohot mamparsilangkonsa. Anggo au nada adong dapot au bagi na aha salaNia.”

SURAT NI SI PAULUS TU PARLAGUTAN ROM 12:17

Muda jat dibaen halak tu hamu, ulang pola baloskon hamu i dohot na jat. Baen hamu ma aha na denggan tu sude halak.

1 PETRUS 3:16

Tapi mardongan lambok ni roha dohot hapantunon ma baen hamu i sudena. Jana angkon ias do taroktokmunu, anso maila sandiri sanga ise na manilakoi hamu hara ni na denggan pardalananmunu songon siihutkon Kristus.

1 SAMUEL 14:11

Jadi di na nipatidahon ni halahi diri ni halahi tu benteng ni Pilistin i, didok halak Pilistin i ma, “Ligi ma, adong halak Ibrani na ruar sian lubang partabunian ni halahi!”

1 SAMUEL 25:28

Anju ma jolo hahurangankon. Angke tuan i dohot pomparan ni tuan i do baenon ni Tuhan gabe raja di Israel, angke na marporang di Tuhan do antong tuan i; jana nada tompuon ni hajahatan tuan i salolot mangolu.

1 SAMUEL 27:1

Marpikir ma si Daud di bagasan rohania, “Bagi na bia pe, di sada hatiha angkon laing bunuon ni si Saul noma au. Jadi nada adong be dalan na asing di au sian na maporus tu tano ni halak Pilistin. I noma mangantak si Saul manjalahi au di Israel jana gabe malua au.”

1 SAMUEL 27:7

Sataon opat bulan honokna si Daud maringanan di tano Pilistin.

1 SAMUEL 29:6

Dung i dipio si Akhis ma si Daud jana didok ia ma, “Huoku do mangasahon Tuhan na mangolu i, anggo ho burju do tu au. Jop sajo do rohangku sugari tarbaen ho dohot mandongani au di parporangan on. Angke mamungka sian mulana na ro ho mandapotkon ahu lopus tu sadarion, nada adong dapot ahu dope hasalaanmu. Tapi anggo angka pamimpin na asing i nada por roha ni halahi tu ho.

1 SAMUEL 4:6

Laing dibege halak Pilistin do sora ni na marsurak i gabe didok halahi ma, “Biasi ulaning marsurahi halak Ibrani i?” Tapi dung diboto halahi na dung lalu Poti Parjanjian ni Tuhan i di parbandaran ni halak Ibrani i,