1 SAMUEL 29:1 - BIBEL JAMITA NA DENGGAN

¹ Dipalagut halak Pilistin ma sude tentarana di Afek, jana halak Israel marbandar di lambung ni mual na di Rura Jisreel.

1 SAMUEL 29:1 ပူးပေါင်းရင်းမြစ်များ

2 SAMUEL 2:9

Diparaja si Abner ma si Isboset di angka luat ni Gilead, Asuri, Jisreel, Efraim dohot Benyamin, maradu sude Israel.

2 SAMUEL 5:17

Dung dibege halak Pilistin na dung dibaen si Daud gabe raja ni Israel, mangaroro ma halahi giot manangkup ia. Tapi tarbege ma i tu si Daud, gabe kehe ia tu benteng.

1 RAJA-RAJA 20:30

Sanga ise na malua, kehe ma lari tu kota Afek, hape matolbak ma tembok ni kota i mandondoni dua pulu pitu ribu halak sian halahi. Si Benhadad pe masuk muse ma tu kota i jana martabuni ma ia di sada bagas di kamar parbagasan.

1 RAJA-RAJA 21:1

Di lambung bagas godang ni Raja Ahab na di Jisreel adong ma sada kobun ni sada bayo na margoar si Nabot.

1 RAJA-RAJA 21:23

Jana salaho tu si Isebel, didok Tuhan do na giot papanganan ni anjing pamatangnia i di tonga-tonga ni kota Jisreel.

2 RAJA-RAJA 9:30

Lalu ma si Jehu tu Jisreel. Dung tarbege tu si Isebel sude na masa i, dipajeges ia ma parsurinia, dung i manaili ma ia tu toru sian jandela ni bagas godang i.

2 RAJA-RAJA 9:36

Dung dipaboa na songon i tu si Jehu, didok ia ma, “On ma na nidok ni Tuhan i hian na giot masa, di na mandok hata Ia markite-hite naposoNia i si Elia na paboahon angkon papanganan ni anjing bangke ni si Isebel di Luat Jisreel.

MASMUR 83:7

Bangso Gebal, Amon dohot Amalek, bangso Pilistea maradu halak Tirus bage.

JOSUA 17:16

Dialusi pomparan ni si Josep i ma, “Nada tuk bolak ni luat partoran i di hami, hapengani bangso Kanaan na maringanan di angka tano na hornop na di lombang i pe markareta porang sian bosi do – i ma na maringanan di Bet-Sean dohot di angka luat na humaliangna, bope na maringanan di Rura Jisreel.”

JOSUA 19:18

Na masuk tu luat ni halahi: Jisreel, Kesulot, Sunem,

JOSUA 19:30

Uma, Afek, dohot Rehob. Adong do dua pulu dua kota dohot angka luat na humaliangna sude na masuk tu tano ni halahi.

HAKIM-HAKIM 6:33

Di hatiha i madung marlagut sude halak Midian, Amalek dohot angka horong ni bangso na di parhorsihan na di Habincaran ni Jordan. Ditaripari halahi ma Batang aek Jordan jana marbandar halahi di Rura Jisreel.

HAKIM-HAKIM 7:1

Sanoli sogot sajo dope ngot ma si Gideon dohot angka anak buania jana kehe ma halahi marbandar di lambung ni mual ni Batang aek Harod. Di sabola Utara ni halahi do parbandaran ni halak Midian. Di rura na di lambung ni Tor More.

1 SAMUEL 28:25

Dung i diparade ia ma sipanganon i di si Saul dohot angka naposonia i, lalu mangan ma halahi. Dung i kehe ma halahi laing di bagasan borngin i.

1 SAMUEL 28:4

Jadi di na marlagut tentara ni Pilistin jana marbandar di lambung ni kota Sunem, si Saul pe antong dipalagut ia ma halak Israel jana marbandar di Dolok Gilboa ma halahi.

1 SAMUEL 4:1

Di hatiha i marporang ma bangso Israel mangalo halak Pilistin. Jadi gabe maju ma tentara ni Israel tu galanggang parporangan; marbandar di lambung ni Eben-Haeser ma halahi, tapi anggo tentara ni Pilistin i marbandar di Afek.