1 SAMUEL 28:6 - BIBEL JAMITA NA DENGGAN

⁶ Gabe mangido panogu-noguon ma ia tu Tuhan, hape nada dialusi Tuhan ia, sanga di nipi bope dohot na mamake Urim dohot Tumim sanga pe markite-hite panurirang.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

Marsurak halahi, hape soada na manolong. Pio-pio tu Tuhan, hape laing manghohom Ia.

MASMUR 74:9

Nada haidaan be angka panurirang dohot angka tanda hahomangan, umpe sahalak umboto intap ni andigan laing songon on.

HARURUAR 28:20

Di baris na paopatkon baen ma batu intan na rata poso, batu intan krisopras dohot batu intan na gorsing. Angkon marbingke sere do baenon batu intan na dua bolas i.

HARURUAR 28:30

Pasang ma Urim dohot Tumim di tutup andora i anso tarpake si Harun i muda ro ia mangadop tu ingananKu na badia. Muda di hatiha na songon i, angkon pakeonnia tongtong tutup andora i, anso diboto ia sanga aha giot ni rohangKu di bangsongKu Israel.”

PODA 27:1

Ulang hata-hatahon sanga aha na giot sibaenonmu ancogot, sanga aha na giot tarjadi sadari on ise lakna umboto.

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

HAMALIMON 8:8

Dibaen ia muse tutup ni andora tu si Harun, jana dibaen ia ma Urim dohot Tumim di bagasan tutup andora i.

MIKA 3:7

Angka jolma na mangalumbahon ari na giot ro, tarila-ila ma i dibaen nada topet hasurirangonnia i. Marlayas ma halahi sude, angke nada dialusi Debata halahi.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

BILANGAN 27:21

Angkon marsapa do si Josua tu si Eleasar jana sapaan ni si Eleasar ma hagiotKu marhite na mamake Urim. Marhite na songon i ma si Eleasar mamimpin si Josua dohot sude bangso Israel di sude parkaro na ro tu halahi.”

MATEUS 1:20

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

JOHANNES 9:31

Taboto do, na so ditangihon Debata do anggo pardosa. Hum halak na pasangap Debata dohot na patuluskon hagiotNia sajo do na nitangihon ni Debata.

PANGARATAION 33:8

Salaho tu Marga Levi didok ia: “Marhite Urim dohot Tumim torang ma giot ni rohamu, sian halak Levi naposoMu na burju-burju. Diuji Ho do halahi di Masa, martangkangi dohot halahi di sumur Meriba.

JAKOBUS 4:3

Tarsung pe dipangido hamu, hape laing nada dapotan hamu, angke madung sala tujuan ni pangidoanmunu i; na laho pasonang-sonangkon dirimunu sajo do na nipangidomunu i.

1 SAMUEL 14:37

Lalu marsapa ma si Saul tu Debata, “Tola dehe au mangaroro halak Pilistin? PasahatonMu dehe halahi tu tangan ni Israel?” Hapengani nada dialusi Debata ia di ari i.

1 SAMUEL 28:15

Dung i mangkuling ma si Samuel tu si Saul, “Biasi gangguonmu au? Biasi dipiohon ho au mangulahi?” Dialusi si Saul ma, “Ma puntol pikiranku hara ni na diporangi ni halak Pilistin, hapengani na dung ditadingkon Debata au. Nada dialusi ia be au, sanga na markite-hite angka panurirang, sanga marhite sian nipi. Jadi hara ni i na mangelek-elek ma au tu ho amang, anso paboa sanga aha noma sibaenonku.”

1 SAMUEL 28:5

Dung diida si Saul tentara ni Pilistin i, gabe mabiar situtu ma ia.