1 SAMUEL 28:18 - BIBEL JAMITA NA DENGGAN

¹⁸ Madung dialo ho parenta ni Tuhan, nada dipusa ho halak Amalek maradu sude sinadongan ni halahi. I ma dalanna umbaen na songon i dibaen Tuhan tu ho saonnari.

1 SAMUEL 28:18 ပူးပေါင်းရင်းမြစ်များ

1 RAJA-RAJA 20:42

Jadi gabe didok panurirang i ma tu raja i, “On ma na nidok ni Tuhan, ‘Halak na Huparentahon anso bunuonmu, hape dipadiar ho malua. Jadi hara ni i angkon mate ho gontina; maropuk ma tentarami hara ni na padiarkon tentarana i marlojong palua dirina.’ ”

1 JUJUR TAON 10:13

Marujung do ngolu ni si Saul hara ni na so setia ia tu Tuhan. Nada mangido panogu-noguon ia sian Tuhan, tapi sian angka tondi ni na mate do. Dilanggar ia do angka na niparentahon ni Tuhan. Jadi hara ni i ma umbaen na niuhum ni Tuhan ia jana dipasahat ma harajaannia i tu si Daud anak ni si Isai.

JEREMIA 48:10

Hona bura ma sanga ise na so patuluskon karejo na sian Tuhan sian situtu ni rohana. Hona bura ma i na so manyintak podangna lalu mambunu.

1 SAMUEL 13:9

Jadi gabe didok ia ma tu halahi, “Oban hamu ma tuson haul situtungon dohot haul pardengganan i.” Lalu ia sandiri noma manghaulkon haul situtungon i.

1 SAMUEL 15:20

Dialusi si Saul ma, “Madung huoloi na niparentahon ni Tuhan, jana kehe do au hombar tu parsuruNa tu au. Hutaban do si Agag raja ni Amalek i jana madung hubunu sude halak Amalek.

1 SAMUEL 15:28

Dung i didok si Samuel ma tusia, “Sadari on ma disibakkon Tuhan harajaan Israel sian raja i, jana dilehen ia tu halak na asing na umburju sian raja i.

1 SAMUEL 15:9

Tapi anggo si Agag dohot tentarana i ditangkup jana dipadiar ia do mangolu, songon i biri-biri dohot lombu na jeges-jegesna i, anak ni lombu dohot anak ni biri-biri na ummokmok, dohot sude na mararga; hum pahan-pahanan na so marguna dohot na so mararga sajo do na dimatehon.