1 SAMUEL 27:8 - BIBEL JAMITA NA DENGGAN

⁸ Di hatiha i, na jotjotan do si Daud dohot parangannia mamorangi halak Gesur, halak Girsi dohot halak Amalek na maringanan di luat i. Diroro ia do tu tano ni halahi lalu tu Sur, sapanjang dalan tu Mesir,

1 SAMUEL 27:8 ပူးပေါင်းရင်းမြစ်များ

2 SAMUEL 14:23

Dung i kehe ma si Joab tu Gesur mangalap si Absalom mulak tu Jerusalem.

2 SAMUEL 14:32

Dialusi si Absalom ma, “Hara ni na so ra i do ho ro di na husuru pio i. Na giot suruonku do ho nian mangadop tu raja i laho palaluhon sapa-sapangkon. ‘Aha do gunana morot au sian Gesur di na ro au tuson? Gumonan hian do laing disi au.’ ” Dung i dipaudut si Absalom ma, “Usahahon ma anso tarbaen au mangadop tu raja i, jana muda laing na marsala dope au, rade do au mate hona uhum.”

2 SAMUEL 15:8

Harana dompak na di Gesur na di Siria i au maringanan, marjanji do au tu Tuhan mandok, muda dipaloas Tuhan au mulak tu Jerusalem, angkon kehe do au maribadat tuSia di Hebron.”

2 SAMUEL 3:22

Dung kehe si Abner, mulak ma si Joab rap dohot parangan ni si Daud na deba nari sian na mamorangi jana dioban halahi do bahat barang na dirampas.

2 SAMUEL 3:3

Si Kileab. Inangna si Abigail tading-tadingan ni si Nabal na sian Karmel. Si Absalom. Inangna si Maaka boru ni Raja Talmai sian Gesur.

2 SAMUEL 8:12

I ma angka bangso Edom, Moab, Amon, Pilistin dohot Amalek, laing songon i dohot barang rampasan na nibuatnia sian si Hadadeser.

1 JUJUR TAON 2:23

Tapi ro ma harajaan Gesur dohot Aram manaluhon onom pulu huta na di luat i, dohot ma disi huta ni si Jair dohot si Kenat, bope angka huta na humaliangna. Sude halak na maringanan disi, hum pomparan ni si Makir amang ni si Gilead do.

HARURUAR 15:22

Dung i dioban si Musa ma bangso Israel sian Laut Rara adop Parhorsihan Sur. Tolu ari halahi mardalan mamolus parhorsihan i nada ungada marsuo dohot aek.

HARURUAR 17:8

Jadi ro ma da halak Amalek mangaroro halak Israel di kota Rafidim.

BILANGAN 13:29

Di Selatan ni luat i maringanan halak Amalek. Di partoran, maringanan halak Het, Jebus dohot halak Amori. Di lambung ni Laut Tonga dohot sapanjang topi ni Batang aek Jordan maringanan halak Kanaan.”

BILANGAN 14:45

Jadi ro ma halak Amalek dohot halak Kanaan na maringanan disi mangalo halahi pataluhon halak Israel jana diayak halahi lalu tu Horma.

JOSUA 12:5

Luat na nirajaannia dohot ma disi Dolok Hermon, Salka, sude Basan lopus tu Luat Gesur dohot Maaka; songon i muse tano Gilead satonga lopus tu luat na nirajaan ni Raja Sihon na sian Hesbon.

JOSUA 13:13

Tapi anggo halak na maringanan di Gesur dohot Maaka nada diusir angka halak Israel; laing maringanan di Israel do halahi.

JOSUA 13:2

sude Luat Pilistin dohot Gesur,

JOSUA 16:10

Tapi nada diusir Efraim halak Kanaan ruar sian Geser. I ma dalanna lopus tu saonnari laing maringanan halak Kanaan di Geser rap dohot halak Efraim, tapi dipaksa do halahi markarejo baen di halak Efraim.

HAKIM-HAKIM 1:29

Di kota Geser, nada dipaorot Marga Efraim halak Kanaan na maringanan di kota i. Jadi laing disi do tinggal halak Kanaan i rap dohot halahi.

1 SAMUEL 29:6

Dung i dipio si Akhis ma si Daud jana didok ia ma, “Huoku do mangasahon Tuhan na mangolu i, anggo ho burju do tu au. Jop sajo do rohangku sugari tarbaen ho dohot mandongani au di parporangan on. Angke mamungka sian mulana na ro ho mandapotkon ahu lopus tu sadarion, nada adong dapot ahu dope hasalaanmu. Tapi anggo angka pamimpin na asing i nada por roha ni halahi tu ho.

1 SAMUEL 30:1

Dung dua ari, mulak ma si Daud dohot parangannia i tu Ziklag. Dung lalu disi, didapot halahi ma na dung mangaroro halak Amalek tu Juda Selatan dohot mamorangi Ziklag.