1 SAMUEL 27:12 - BIBEL JAMITA NA DENGGAN

¹² Tapi pos do roha ni si Akhis di si Daud jana didok ia di bagasan rohania, “Songon i ma antong santakna goyak ni roha ni bangsonia sandiri tusia, lopus tarpaksa gabe naposongku ia sapanjang di ngolunia.”

1 SAMUEL 27:12 ပူးပေါင်းရင်းမြစ်များ

PAMUNGKAAN 34:30

Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

2 SAMUEL 10:6

Torang ma diboto halak Amon na dung gabe musu ni halahi si Daud. Jadi diongkos halahi ma dua pulu ribu tentara ni Siria na adong di Bet-Rehob dohot si Zoba songon i muse dua bolas ribu tentara na sian Tob, dohot raja ni tano Maaka rap dohot saribu halak paranganna.

HARURUAR 5:21

Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

1 SAMUEL 13:4

Dipabotohon ma tu sandok bangso Israel bahaso na dung dibunu si Saul panglima ni Pilistin dohot na goyak sajo roha ni halak Pilistin di halak Israel. Jadi gabe dioloi rayat i ma pio-pio i laho mardomu rap dohot si Saul di Gilgal.

1 SAMUEL 27:11

Sahalak pe nada adong na dipadiar ia mangolu di angka inganan na diporanginia i, anso ulang adong be halak na tarbaen kehe tu Gat laho paboahon sanga aha satutuna na tarjadi na nibaen ni si Daud dohot parangannia i. I ma na dibaen ni si Daud salolot maringanan di Luat Pilistin ia.

1 SAMUEL 28:1

Dung adong sadia honok diarahon halak Pilistin ma tentarana laho marporang mangalo Israel, jana didok si Akhis ma tu si Daud “Tontu mangarti do ho i, na angkon marporang ho dohot paranganmi di pihakku.”