1 SAMUEL 27:10 - BIBEL JAMITA NA DENGGAN

¹⁰ Muda disapai si Akhis tusia, “Di dia hamu on mamorangi?” Jadi didok si Daud ma tusia, na kehe ia tu bagian Selatan ni Juda sanga tu luat ni halak Jerahmeel sanga tu luat na niinganan ni halak Keni.

1 SAMUEL 27:10 ပူးပေါင်းရင်းမြစ်များ

PAMUNGKAAN 27:24

laing disapai ia dope sanoli nari, “Tutu dehe ho si Esau?” “Tutu do amang,” ning si Jakob.

2 SAMUEL 17:20

Marroan ma angka naposo ni si Absalom tu bagas i jana disapai halahi ma tu anakboru sinangkin, “Di dia si Ahimaas dohot si Jonatan?” “On dope taripar halahi di batang aek i,” ning ia mangalusi. Dijalak-jalahi halahi ma doli-doli na dua i, tapi nada dapot halahi be, lalu mulak noma halahi tu Jerusalem.

1 JUJUR TAON 2:25

Anak siangkaan ni si Hesron i ma na margoar si Jerahmeel adong do lima anakna: Siangkaan si Ram, dung i si Buna, si Oren, si Osem dohot si Ahia.

1 JUJUR TAON 2:9

Tolu anak ni si Hesron: Si Jerahmeel, si Ram, dohot si Kaleb.

MASMUR 119:163

Huhagigihon do sude gabus, tapi huhaholongi do TonaMu.

MASMUR 119:29

Padao ma au sian dalan haliluan, jana lehen ma di au TonaMu.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

BILANGAN 24:21

Di bagasan parnidaan i diida si Bileam muse ma pomparan ni halak Keni, lalu didok ia ma ulpuhannia songon on, “Tutu nian tung na gogo do ingananmunu, songon asar di ginjang dolok batu na gincat.

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

HAKIM-HAKIM 1:16

Angka halak Keni, i ma pomparan ni si Hobab, ipar ni si Musa, didongani halahi ma halak Juda haruar sian Jeriko, kota Kurma, jana kehe tu luat na harsang na di Selatan ni Arad na di Juda. Disi ma halahi hot maringanan di tonga-tonga ni bangso Amalek.

HAKIM-HAKIM 4:11

Di hatiha i, madung disirang si Heber halak Keni i dirina sian bangsonia. (Bangso Keni, i ma pomparan ni si Hobab, tunggane ni si Musa.) Ma kehe si Heber on mamasang angka bandarnia di lambung ni harangan tusam na di Zaanaim, nada pola sadia dao sian Kedes.

HAKIM-HAKIM 5:24

Maruntung ho Jael, ripe ni si Heber halak Keni, sian sude dadaboru na mangingani bandar, umbahat di ho antong pasupasu i.

1 SAMUEL 15:6

Ditongos ia muse ma tona paingotkon halak Keni, “Morot ma hamu jana tinggalkon hamu ma halak Amalek, anso ulang dohot hamu hona pusa baenonku rap dohot halahi, angke dipatuduhon ompumunu do najolo pardonganon tu halak Israel dompak na ro i sian Mesir.” Jadi morot ma halak Keni sian i.

1 SAMUEL 21:2

Dialusi si Daud ma, “Na disuru ni raja i do au jana nada tola paboaon karejo on sanga na tu ise pe. Jadi madung hutonai paranganku mandapoti au di sada inganan.

1 SAMUEL 23:27

Tapi ompot ma ro sada halak suruan mangadop tu si Saul mandok, “Tumibu ma sugari mulak raja i! Ma ro halak Pilistin mamorangi tanonta!”

1 SAMUEL 27:11

Sahalak pe nada adong na dipadiar ia mangolu di angka inganan na diporanginia i, anso ulang adong be halak na tarbaen kehe tu Gat laho paboahon sanga aha satutuna na tarjadi na nibaen ni si Daud dohot parangannia i. I ma na dibaen ni si Daud salolot maringanan di Luat Pilistin ia.

1 SAMUEL 29:8

Dialusi si Daud ma, “Aha dehe hasalaan na hubaen, tuannami? Muda songon na nidok ni tuan i do, na so adong dapot tuan i hasalaan di au mamungka huoloi tuan i lopus tu hatiha on, biasi nada dipatola au marporang mangalo musu ni raja i lakna?”

1 SAMUEL 30:29

Rakal, laing kota ni halak Jerahmeel do i, angka kota ni halak Keni,