1 SAMUEL 27:1 - BIBEL JAMITA NA DENGGAN

¹ Marpikir ma si Daud di bagasan rohania, “Bagi na bia pe, di sada hatiha angkon laing bunuon ni si Saul noma au. Jadi nada adong be dalan na asing di au sian na maporus tu tano ni halak Pilistin. I noma mangantak si Saul manjalahi au di Israel jana gabe malua au.”

1 SAMUEL 27:1 ပူးပေါင်းရင်းမြစ်များ

1 RAJA-RAJA 12:26

Songon on dipikiri rohania, “Anggo laing na kehe do rayat i tu Jerusalem laho manaruhon haul di Bagas Ni Debata songon na nibaen ni halahi sahonokna on, gabe marpangulahi ma muse roha ni halahi di si Rehabeam raja ni Juda i, jana dibunu halahi au.”

1 RAJA-RAJA 12:28

Dung ditimbangi ia pangalaho i, dibaen ia ma dua patung ni lombu sian sere jana didok ia ma tu rayat i, “Hamu bangso Israel! Tuk ma i na sahonokna on kehe hamu maribadat tu Jerusalem. Saonnari, angka on ma debatamunu na dung maroban hamu ruar sian tano Mesir!”

1 RAJA-RAJA 19:3

Gabe mabiar ma si Elia, jadi maporus ma ia anso ulang hona bunu. Kehe ma ia tu Berseba di Juda rap dohot naposonia i. Disi ma ditadingkon ia naposonia i,

2 JUJUR TAON 25:17

Mambaen kompolotan ma si Amasia raja ni Juda dohot angka panuturinia mangalo Israel. Disuru ia ma utusan mandapotkon si Joas raja ni Israel, i ma anak ni si Joahas pahompu ni si Jehu laho mangalap-alapi ia maradu gogo.

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

MASMUR 55:7

Olo da, habang noma au tu sihadaoan, jana maringanan di padang halongonan.

HARURUAR 14:12

Nada he na dung hami dokkon hian do na salpu i, na angkon masa na songon on? Hami suru hian do anso kehe ho maninggalkon hami jana padiaronmu hami diparhatoban di Mesir. Gumonan dope gabe hatoban disi, ulang pado mate di parhorsihan on!”

PODA 13:12

Pahancitkon roha do arop ni roha na sundat, tapi jop do roha muda tulus arop ni roha.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

BILANGAN 14:3

Biasi pola obanon ni Tuhan i hita tu tano Kanaan? Mate ma hita di parporangan dohot angka dongan sabagasta be bope angka dakdanakta tabanonna. Nada he dumenggan hita mulak tu Mesir?”

MATEUS 14:31

Jadi manigor disurduhon Jesus ma tanganNia manangkup si Petrus. Dung i ninna Jesus ma, “Na hurang porsaya do ho, Petrus. Biasi pola ganggu rohamu?”

MARKUS 4:40

Dung i didok Jesus ma tu angka anak siseanNia i, “Biasi mabiar hamu? Adong he laing na so porsaya dope hamu?”

2 KORINTUS 7:5

Di na lalu pe hami tu Makedonia, laing so marnamantak do hasusaan sian hami. Dihaliangi hasusaan do hami; parsalisian sian pihak na asing dohot biar ni roha sian hami sandiri.

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 22:5

Sanoli adong ma sada panurirang na margoar si Gad ro mandapotkon si Daud mandok, “Ulang ho di liang on be, ompoti ma kehe manigor tu Juda.” Jadi kehe ma si Daud sian i jana masuk ma ia tu harangan Keret.

1 SAMUEL 23:17

Didok si Jonatan ma tusia, “Ulang ho mabiar, indangkan na lalu ho madabu tu tangan ni amanta. Torang do diboto amanta, ho do gontinia na gabe raja ni Israel jana au ma juguk di torumu.”

1 SAMUEL 25:30

Muda dung dipatulus Tuhan i angka na denggan na dung nijanjihonNa i tu tuan i, jana muda dung dibaen ho gabe raja di Israel,

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.

1 SAMUEL 29:2

Maju ma raja ni Pilistin na lima i marbaris rap dohot punguan na marsasaratus dohot marsasaribu halak; si Daud dohot parangannia i marbaris ma di pudi rap dohot Raja Akhis.

1 SAMUEL 29:3

Jadi di na niida ni angka panglima halahi, sapa-sapa ma angka panglima i, “Na mahua do angka halak Ibrani i dison?” Dialusi si Akhis ma, “Si Daud do on, pagawe ni Raja Saul humani sian Israel. Madung tar lolot ia tinggal rap dohot au. Mamungka sian na ro ia tu au lopus tu sadari on, nada adong dapot au dope hasalaannia.”