1 SAMUEL 26:9 - BIBEL JAMITA NA DENGGAN

⁹ Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.

1 SAMUEL 26:9 ပူးပေါင်းရင်းမြစ်များ

2 SAMUEL 1:14

Didok si Daud ma, “Na puluk ma ho antong mamunu raja na nipili ni Tuhan!”

2 SAMUEL 1:16

Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

2 SAMUEL 19:22

Tapi mangkuling ma si Daud tu si Abisai dohot si Joab, mandok, “Ulang manganto-antoi hamu. Biasi arsahanmunu au? Di ari sadari on mulak au gabe raja di Israel, jana nada adong tola halak Israel na mate hona uhum.”

MASMUR 105:15

“Ulang ganggu hamu bangso pilianKu, ulang hahua hamu angka panurirangKu!”

MASMUR 17:4

Pangkuling ni parjahat nada hutiru, parentaMu huoloi jana na mangasahon gogo padaoonku.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”

1 SAMUEL 26:8

Dung i didok si Abisai ma tu si Daud, “Madung dipasahat Debata di borngin on musumu tu ho. Paloas ma hupantikkon ia tu tano i dohot tombaknia i sandiri, anso hupangabis ia santiham hubaen, nada pola jabat dua noli baenonku!”