1 SAMUEL 26:8 - BIBEL JAMITA NA DENGGAN

⁸ Dung i didok si Abisai ma tu si Daud, “Madung dipasahat Debata di borngin on musumu tu ho. Paloas ma hupantikkon ia tu tano i dohot tombaknia i sandiri, anso hupangabis ia santiham hubaen, nada pola jabat dua noli baenonku!”

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Didok si Abisai anggi ni si Joab, anak ni si Zeruya i ma tu raja i, “Biasi dipadiar raja i anjing na mate i mamurai raja i? Paloas ma au, anso hugotap rungkungna i!”

MASMUR 31:8

Nada dipadiar Ho au ditangkup musungku, tapi dijagohon Ho do au gabe sonang.

JEREMIA 40:15

Dung i sip-sip ma didok si Johanan tu si Gedalya, “Denggan ma i kehe au mamunu si Ismael; sahalak pe nada adong na umboto i. Biasi padiaron antong ia mamunu ho? Gabe masarsar muse do mangulahi halak Juda na dung marlagut rap dohot ho muda tulus songon i, jana i ma boncir ni hasusursar ni sude rayat na teba di Juda.”

NAHUM 1:9

Aha dehe maksudmu mangalo Tuhan? Giot pangabisonNia do i; nada pola dua noli ro hasusaan.

SURAT NI SI PAULUS TU PARLAGUTAN ROM 11:32

Harana na dung dipadiar Debata do sude jolma na ditano on dirajai hatangkangan, anso tarpatidahon Ia asi ni rohaNia tu halahi sudena.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

JOSUA 21:44

Jadi domu tu na dung dijanjihon Tuhan tu ompu na umpompar angka halak Israel i, dijagohon Tuhan ma antong sude luat i gabe sonang. Sian sude angka musu ni halahi i umpe adong sada na tolap mangalo halahi, angke dilehen Tuhan do hamonangan di halak Israel maradopkon angka musu ni halahi.

HAKIM-HAKIM 1:4

dohot Marga Juda kehe ma rap marporang. Jana dilehen Tuhan do hamonangan di halahi maralohon halak Kanaan dohot halak Peris. Sampulu ribu halak sian musu i na mate di Besek.

1 SAMUEL 23:14

Dung i maringanan di liang ni dolok na di Parhorsihan Zip noma si Daud, disi ma ia martabuni. Sai marpupu do ia dikojar si Saul, tapi nada dipasahat Tuhan ia tu raja i.

1 SAMUEL 24:4

Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.

1 SAMUEL 24:5

Dung i didok parangan ni si Daud i ma tusia, “On ma hatiha hadenggananna di tuan i! Inda he na dung didok Tuhan do tu tuan i, ‘PasahatonKu ma musumu tu ho, baen ma sanga na aha giotmu tusia!’ ” Dung i manyilmuk ma si Daud tu inganan ni si Saul jana sip-sip ma ia manggotap saotik sian topi-topi juba ni si Saul i.

1 SAMUEL 26:23

Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.

1 SAMUEL 26:7

Jadi manyilmuk ma si Daud dohot si Abisai borngin i tu bagasan bandar i jana diida halahi ma si Saul hatiha modom di tonga-tonga ni parbandaran i, pantik tombakna tu tano di lambung ni ulunia. Si Abner dohot paranganna marmodoman humaliang si Saul.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.