1 SAMUEL 26:5 - BIBEL JAMITA NA DENGGAN

⁵ Manigor kehe ma si Daud tu parbandaran ni si Saul jana dapot ia ma bandar ni si Saul dohot si Abner anak ni si Ner i. Tar tu bagasan do bandar ni si Saul i, jana humaliangna i ma tentarania.

1 SAMUEL 26:5 ပူးပေါင်းရင်းမြစ်များ

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

1 JUJUR TAON 9:39

Amang ni Raja Saul, margoar si Kis jana ompungna si Ner. Opat anak ni si Saul: Si Jonatan, si Malkisua, si Abinadab dohot si Esbaal.

1 SAMUEL 17:20

Ancogotna i manyogot dope, ngot ma si Daud, lalu markobas, dipasahat ia ma biri-birinia i tu sada halak na manjago, dung i dibuat ia ma siobanonnia lalu kehe ma ia songon na niparentahon ni amangnia i. Di parlalunia i topet ma diparkehe ni halak Israel tu galanggang ni porang lalu marsurakkon sora ni porang.

1 SAMUEL 17:55

Di na niida ni si Saul kehe si Daud mangalo si Goliat, disapai ia ma tu si Abner, panglima ni tentarania i, “Anak ni ise do tehe Abner, bayo i?” “Nada huboto rajanami,” ning si Abner mangalusi.

1 SAMUEL 26:4

Jadi disuru ia ma pamata-matai jana tangkas ma diboto ia na disi do si Saul.

1 SAMUEL 9:1

Adong ma sada halak na mora jana na marsahala sian Marga Benyamin, goarna si Kis. Masuk tu horong Bekorat do ia, i ma dangka ni Marga Afiah. Amangnia si Abiel jana ompungna si Zeror.