1 SAMUEL 26:24 - BIBEL JAMITA NA DENGGAN

²⁴ Antong, songon raja i na hupadiar mangolu di ari sadari on, sai songon i ma nian dijagohon Tuhan au jana dipalua sian sude parmaraan!”

1 SAMUEL 26:24 ပူးပေါင်းရင်းမြစ်များ

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

2 SAMUEL 4:9

Tapi dialusi si Daud ma, “Diboto Tuhan na mangolu i do, i ma na dung paluahon au sian sandok ragam ni parmaraan, bahaso na tutu do na giot sidokkononkon.

MASMUR 144:2

Ia do pangondian dohot na mambela au, parlinggoman dohot na palua au. Ia do pos ni rohangku, muda diSia sonang do au; tunduk dibaen Ia angka bangso tu au.

MASMUR 18:1

Tuhan, Ho do haholongan ni rohangku, Ho do haroroan ni hagogoan di au.

MASMUR 18:25

Tuhan, tu halak na burju laing burju do Ho mambaen na denggan, i ma hadengganan na nibaenMu tu halak na so mardosa.

MASMUR 18:48

Dipalua au sian halak na jahat dohot sian musu jana dilehen hamonangan maradopkon alongku.

MASMUR 34:20

Dijagohon Tuhan do sude pamatangnia, jadi sada pe sian holi-holina nada adong na maponggol.

MASMUR 54:7

Dipalua Ho do au sian sasude hamaolon, huida do musungku ditaluhon.

MATEUS 5:7

Martua ma angka na marasi ni roha, dibaen dapotan asi ni roha do muse halahi.

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

2 TESSALONIKA 3:2

Tangiangkon hamu muse ma anso laing malua hami sian angka halak na jahat dohot na so ture. Angke nada sudena halak ra mangkaporsayai jamita na sian Tuhan i.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

1 SAMUEL 18:30

Ganop ro tentara ni Pilistin mamorangi, sai manjadi do si Daud ulang pado angka parangan ni si Saul na asing i. Jadi mur tarbonggal ma si Daud.

1 SAMUEL 24:16

Tuhan ma na gabe hakim antara ni raja i dohot au. Sai dipareso Ia ma parkaro on, jana Ia ma mangondihon dohot na paluahon au sian tangan ni raja i.”