1 SAMUEL 26:23 - BIBEL JAMITA NA DENGGAN

²³ Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.

1 SAMUEL 26:23 ပူးပေါင်းရင်းမြစ်များ

2 SAMUEL 22:21

Marupa au dibaen Tuhan, angke tigor na hubaen, hara ni ate-ate na ias, pasupasu tu au dilehen.

2 SAMUEL 22:25

Dapotan upa au sian Tuhan, angke tigor nipambaenan nada au marsala, jana torang do i diSia.

1 RAJA-RAJA 8:32

o, ale Tuhan, tangihon ma sian banua ginjang jana ho ma manimbang parkaro ni angka naposoMon. Tu angka na marsala baen ma uhuman na patut disia jana tu halak na so marsala, sai palua ma.”

NEHEMIA 13:14

Ale Debatangku, ingot ma sude na dung hubaen tu BagasMu dohot tu na mangoloi disi.

JOB 34:11

Dibaloskon Ia do na patut hombar tu pambaenan ni jolma, mambaen tu jolma marguru tu pangalahona.

MASMUR 62:12

jana anggo holong ni rohaNia manongtong do sapanjangna. Ho do mamalos ale Tuhan tu ganop halak marguru tu pangalahona.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 24:12

Ligi ma amang, ligi ma gotap-gotap ni baju ni raja i na hutiop on! Satutuna tarbunu au do nian raja i, tapi hum na saotik on sajo do hugotap. Jadi torang do na so adong rohangku mambaen na jahat sanga na giot mangago. Hape diayak-ayak raja do au haru pe nian na so adong saotik pe salangku maradopkon raja i.

1 SAMUEL 24:18

Jadi didok ia ma tu si Daud, “Ho do na tutu jana au do na sala. Hajahatonku maradopkon ho madung dibaloskon ho dohot na denggan.

1 SAMUEL 24:19

Madung dipatidahon di ari sadarion na denggan do hape rohamu tu au, angke nada dibunu ho au haru pe na dung dipasahat Tuhan au tu tanganmu.

1 SAMUEL 26:11

Sai diantahi Tuhan ma nian au mamunu raja na nipili ni Tuhan i! Tombakna i ma dohot gendina i buat, anso kehe hita!”

1 SAMUEL 26:22

Tapi dialusi si Daud ma, “Indon do tombak ni raja i, suruhon ma sahalak tentarami ro tuson mangalapsa.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.