1 SAMUEL 26:20 - BIBEL JAMITA NA DENGGAN

²⁰ Ulang ma antong padiar au hona bunu di tano na asing, dao sian Tuhan. Aha ma he gunana ro raja ni Israel laho mambunu au songon halak na mambunu manuk harangan di dolok-dolok?”

1 SAMUEL 26:20 ပူးပေါင်းရင်းမြစ်များ

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

ANDUNG 3:52

Songon unggas au dikojar musu soada dalan margoyak ni roha tu au.

MATEUS 26:47

Mangkatai dope Jesus, ro ma si Judas, i ma sahalak sian anak siseanNia na dua bolas i. Ro muse ma rap dohot ia bahat halak maroban podang dohot potuk-potuk. I ma angka na nisuru ni angka kapala ni malim dohot angka hatobangon ni halak Jahudi.

MATEUS 26:55

Dung i didok Jesus ma tu halak na bahat i, “Ro hamu laho manangkup Au maroban podang dohot potuk-potuk. Halak na jahat dehe Au lakna? Ganop ari do Au mangajari di Bagas Ni Debata hape nada ditangkup hamu Au!

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 24:14

Diboto raja i do pandohan ni umpama narobi songon on, ‘Hum halak na jahat do na mambaen hajahatan.’ Jadi hara ni i, nada hancitan raja i baenonku.

1 SAMUEL 24:15

Diparrohahon raja i ma jolo au on na giot bunuon ni raja ni Israel! Ligi ma au on na nikojarnia i! Anjing na mate sajo do au, hum songon sada hutu sajo.

1 SAMUEL 25:29

Sugari sura adong sada halak na mangaroro mangalo tuan i jana na mancubo mamunu tuan i, ingkon do jagohonon ni Tuhan Debata tuan i songon arta na nijagohon ni nampunasa. Tapi anggo musu ni tuan i ambungkonon ni Tuhan do dao-dao, songon batu na didanggurkon dohot ambalang.