1 SAMUEL 26:19 - BIBEL JAMITA NA DENGGAN

¹⁹ Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.

1 SAMUEL 26:19 ပူးပေါင်းရင်းမြစ်များ

PAMUNGKAAN 44:18

Jadi ro ma si Juda tu jolo ni si Josep jana didok ia ma, “Ampun tuannami, paloas au jolo mandok hata tu tuan i. Ulang muruk tuan i tu au; sarupa do huetong tuan i dohot raja i sandiri.

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

2 SAMUEL 14:16

Anggo hupikir tangihonon jana paluaon ni raja i do au sian halak na marusaho giot mamunu au, dohot anakki. Na giot paorot hami sian tano na nilehen ni Debata tu bangsoNa on do maksud ni halahi.

2 SAMUEL 16:10

Tapi didok raja i ma tu si Abisai dohot si Joab angkangna i, “Ulang antoi hamu. Padiar hamu sajo ma ia mamurai au. Harana betak na Tuhan do na marsuru ia ise ma na patut manyapai ia sanga na hara ni aha dibaen ia songon i?”

2 SAMUEL 16:11

Dung i didok si Daud dope tu si Abisai dohot tu sude naposonia i, “Salang anakku sandiri giot mamunu au do; biasi pola longang hamu marnida pangalaho ni halak Benyamin on? Tuhan do marsurusa mamurai hara ni i ulang hahua hamu ia jana padiar ma songon i mamurai ia.

2 SAMUEL 20:19

Godang do kota Abelnami on – on ma sada kota na dumame dohot na tigor di tano Israel. Biasi giot roncohonon ni tuan i kota on? Na por dehe rohamu manyegohon tano ni Tuhan?”

2 SAMUEL 21:3

jana disapai ia ma tu halahi, “Aha do na tarbaen au di hamu? Sai giot tobusonku do nian hasalaan na dibaen maradopkon hamu, anso mamasumasu hamu tu pusako ni Tuhan.”

2 SAMUEL 24:1

Muruk muse ma Tuhan tu Israel, jana disosoi ia ma si Daud laho parohon hasusaan tu bangso i. Didok Tuhan ma tusia, “Pamasa ma jolo pamilangion di Israel dohot Juda.”

1 RAJA-RAJA 22:22

‘Bia ma?’ ninna Tuhan manyapai. Dialusi Tondi i ma, ‘Kehe pe au jana hubaen ma anso sude panurirang ni si Ahab i margabus.’ Didok Tuhan ma, ‘Denggan, baen ma anggo songon i, harana manjadi do i anggo ho manggabusi ia.’ ”

1 JUJUR TAON 21:1

Sai giot agoon ni Sibolis do halak Israel; jadi dijajang Sibolis i ma si Daud anso mambaen sensus.

MASMUR 120:5

Marjaya ma au on hara ni na rap au dohot hamu; nada imbarna songon na maringanan di Mesek, sanga di tonga-tonga ni halak Kedar.

MASMUR 20:4

Sai digohi Ia ma na nihalungunkonmu, jana sai manjadi ma dibaen Ia sangkapmu.

PODA 30:10

Ulang patubu-tubu hata pajatjatkon hatoban tu tuanna, anso ulang hona bura ho jana marsitaonon ho hara ni i.

JESAYA 60:5

Marnida i gabe longang jana minar bohimu, gok andoramu hara ni jop ni rohamu. Sinadongan ni angka bangso dioban tu jolomu, mabaor taripar laut manggohi haporluanmu.

HAMALIMON 26:31

Angka kota Hugonti dohot banggar na mosok, inganan panyombaanmu angkon Huroncohon bope angka haulmunu nada jagitonKu.

BILANGAN 36:7

Tano pusako ni halak Israel hot do i ganop di margana be.

BILANGAN 36:9

hara ni i nada morot be tano pusako i sian marga na sada tu marga na asing. Ganop marga ni bangso i hot ma manean tano pusako ni halahi be.”

SURAT NI SI PAULUS TU PARLAGUTAN ROM 14:15

Tapi muda hara ni sanga aha na nipanganmunu, gabe hancit roha ni donganmu sahaporsayaan, jadi nada marojahan tu holong ni roha be hamu disi. Muda na dung mate Kristus hara ni sada-sada halak, ulang ma padiar hamu sego halahi patunda ni na nipanganmunu.

GALATIA 5:12

Gumonan dope angka halak na manggaori pikiranmunu i, manigor diharuarkon.

PANGARATAION 13:3

ulang ma lehen hamu saotik pe rohamunu tusi. Na nipake ni Tuhan Debatamunu do halakna i laho manguji hamu laho marnida sanga na tutu situtu do sian sandok roha dihaholongi hamu Tuhan.

2 TIMOTEUS 4:14

Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.

1 SAMUEL 18:10

Ancogotna, di bagasna do topet si Saul maniop tombakna jana si Daud marhasapi songon na somal. Ompot ma susur tu si Saul tondi na jahat na nisuru ni Debata, gabe mangamuk ma ia songon halak na rintik.

1 SAMUEL 24:9

Si Daud pe ruar muse ma sian liang i jana pio-pio ma ia sian pudi ni si Saul, “Ale rajanami!”

1 SAMUEL 25:24

di pat ni si Daud, jana mandok hata tusia, “Tuannami, tangihon ma jolo! Padiar ma au sandiri mananggung hasalaan i!

1 SAMUEL 27:1

Marpikir ma si Daud di bagasan rohania, “Bagi na bia pe, di sada hatiha angkon laing bunuon ni si Saul noma au. Jadi nada adong be dalan na asing di au sian na maporus tu tano ni halak Pilistin. I noma mangantak si Saul manjalahi au di Israel jana gabe malua au.”