1 SAMUEL 26:18 - BIBEL JAMITA NA DENGGAN

¹⁸ Didok ia muse dope, “Biasi dope laing dikojar raja i au? Hasalaan dia do na hubaen?

1 SAMUEL 26:18 ပူးပေါင်းရင်းမြစ်များ

MASMUR 119:161

Disosak angka na markuaso do au soada dalanna, tapi mabiar mida parentaMu sajo do au.

MASMUR 35:7

So adong harana manaon jorgong halahi tu au, dohot mambaen godung na bagas padapotkon au.

MASMUR 69:4

Halak na magigi mida au di na so dalanna, umbahat sian obuk na di uluniba. Sai giot agohonon ni angka halak na gogo au, dipahata-hata halahi ma au dohot hata na so tutu. Dipaksa halahi au paulakkon arta na so hurampas.

JEREMIA 37:18

Dung i husapai ma, “Aha dehe hajahatanku maradopkon raja i sanga maradopkon angka pagawe ni raja i sanga tu rayat, umbaen na jabat dipamasuk raja i au tu hurungan?

JOHANNES 10:32

Tapi didok Jesus ma tu halahi, “Madung diida hamu Au mambaen angka karejo na denggan, na nisuruhon ni Damang karejohononKu; sian sude parkarejoan i, hara ni karejo na dia ma umbaen giot dangguranmunu Au?”

JOHANNES 18:23

Dialusi Jesus ma, “Muda adong Hudokkon na sala, paboa ma jolo antong dison sanga aha hasalaanKi! Tapi muda tutu do na Hudokkon i, biasi manampelengi ho tu Au?”

JOHANNES 8:46

Ise ma sian hamu na tarbaen mambuktihon paboa na adong dosa di Au? Muda hupaboa tu hamu taringot tu Debata, biasi inda porsaya hamu tu Au?

1 SAMUEL 17:29

Dialusi si Daud ma, “Aha he salangku? Na manyapai sajo do au!”

1 SAMUEL 20:1

Dung i lari ma si Daud sian Nayot jana kehe ma ia mandapotkon si Jonatan lalu manyapai, “Aha dehe salangku? Hajahatan dia do na hubaen jana apala aha do dosangku tu amanta umbaen na giot bunuonna au?”

1 SAMUEL 24:9

Si Daud pe ruar muse ma sian liang i jana pio-pio ma ia sian pudi ni si Saul, “Ale rajanami!”