1 SAMUEL 26:16 - BIBEL JAMITA NA DENGGAN

¹⁶ Nada manjadi ho mandalankon karejomu, Abner! Mangasahon Tuhan na mangolu i, sapatutna do nian dimatehon hamu sude, angke nada dijagohon hamu tuanmunu na nipili ni Tuhan i. Ligi ma! Ma di dia he tombak ni raja i? Ma di dia gendi na di lambung ni ulu ni raja i nangkin?”

1 SAMUEL 26:16 ပူးပေါင်းရင်းမြစ်များ

2 SAMUEL 12:5

Umbege i, gabe muruk ma si Daud tu na kayo i jana didok ia ma:

2 SAMUEL 19:28

Na patut do nian mate hona uhum baenon ni raja i sude koum sisolkot ni damang, tapi anggo au madung diisinkon raja i dohot mangan di bagas godang. Anggo saonnari nada puluk be au mangido bagi aha sian raja i.”

1 RAJA-RAJA 2:26

Dung i didokkon Raja Salomo ma tu Malim Abyatar, “Kehe ma ho mulak tu hutamu tu Anatot. Patut mate uhumon do ho nian, tapi anggo sadari on nada hubunu ho, angke di hatiha rap dope dohot damang, dohot do ho manaon parkancitannia. Jana ho muse do na pauli-uli Poti Parjanjian ni Tuhan i.”

MASMUR 102:20

giot manangihon holos ni halak tahanan dohot paluahon jolma na niuhum tu hamatean.

MASMUR 79:11

Tangihon ma pangangguk ni angka na tartaban; marhite kuasoMu, palua ma angka halak na niuhum tu hamatean.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

1 SAMUEL 20:31

Na so diboto ho dehe anggo salolot mangolu si Daud na so tarbaen ho gabe raja di luat on? Saonnari suruhon ma halak manjalahi dohot maroban ia tuson, harana angkon mate do ia!”

1 SAMUEL 24:6

Tapi dung salpu, songon na sala do tu pangkilalaannia dung dibaen ia songon i.

1 SAMUEL 26:11

Sai diantahi Tuhan ma nian au mamunu raja na nipili ni Tuhan i! Tombakna i ma dohot gendina i buat, anso kehe hita!”

1 SAMUEL 26:15

Dialusi si Daud ma, “Ho dehe na gumogo di Israel, Abner? Biasi nada dijagoi ho tuanmu, raja i? Baru masuk dope sada halak tu parbandaranmunu i laho mamunu tuanmi.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.