1 SAMUEL 25:8 - BIBEL JAMITA NA DENGGAN

⁸ Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”

1 SAMUEL 25:8 ပူးပေါင်းရင်းမြစ်များ

ESTER 9:19

I ma dalanna umbaen na tanggal opat bolas bulan Adar gabe ari jop ni roha di halak Jahudi na maringanan di angka kota na menek-menek na gabe ari pesta siriaon lalu marsipiringan silua na marrumang sipanganon.

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

PARJAMITA 11:2

Lehenma bagian i tu pitu sanga tu salapan halak, angke porlu do jamot-jamot halak, painte so masa hasusaan.

LUKAS 11:41

Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 25:9

Songon i ma dipalalu parangan ni si Daud tona i tu si Nabal marhite goar ni si Daud, dung i paintehon ma halahi.

1 SAMUEL 3:6

Dung i dipio Tuhan i mangulahi si Samuel. Jadi gabe ngot ma ia lalu didapotkon ia ma si Eli jana disapai ia ma, “Ale amang, na he piopio ho di au?” Dialusi si Eli ma, “Nada hupiohon ho da amang; modom ma ho mangulahi.”