1 SAMUEL 25:7 - BIBEL JAMITA NA DENGGAN

⁷ Hubege baritana, topet do ho manggusting imbulu ni biri-birimu. Jadi nada unjung hami hahua angka parmahanmu na adong di luat on jana na so jungada dope agoan bagi aha halahi salolot di Karmel.

1 SAMUEL 25:7 ပူးပေါင်းရင်းမြစ်များ

2 SAMUEL 13:23

Dung dua taon mambaen pesta panggusting ni imbulu ni biri-biri ma si Absalom di Baal-Hasor, na di lambung ni kota Efraim. Jana diontang ia ma sude anak ni raja i.

2 SAMUEL 13:24

Mangadop ma ia tu Raja Daud jana didok ia ma, “Mambaen pesta panggusting ni imbulu ni biri-biri do au, amang. Laing dohot ma amang ro tu pesta i, dohot angka halak na godang-godang na di bagas godang on.”

LUKAS 3:14

Adong muse do tentara na manyapai, “Bia do taringot tu hami? Aha do sibaenonnami?” Dialusi si Johannes ma, “Ulang jagiti hamu hepeng sanga sian ise pe hara ni na nipaksa bope markite-hite adu-aduan na so tutu tusia. Gajimi ma hangoluhon!”

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

PILIPPI 4:8

Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.

1 SAMUEL 22:2

Songon i muse angka halak na hona pisat dohot angka na marutang dohot na so puas pangkilalaanna mardomu ma tu si Daud jana si Daud ma gabe pamimpin ni halahi. Adong ma hira-hira opat ratus halak na mangihutkon si Daud.

1 SAMUEL 25:21

Marpikir do si Daud di hatiha i, “Parcuma do antong au manjago sinadongan ni bayo i di halongonan i! Saotik pe so adong mago sian sinadongannia; hape saonnari dibaloskon ia ma na denggan na hubaen i dohot hajahatan!