1 SAMUEL 25:39 - BIBEL JAMITA NA DENGGAN

³⁹ Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.

1 SAMUEL 25:39 ပူးပေါင်းရင်းမြစ်များ

2 SAMUEL 1:16

Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

1 RAJA-RAJA 2:44

Tangkas do diboto ho sude hajahatanmu tu damang. Hara ni i uhuman ni Tuhan ma ho

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

MASMUR 7:16

Hajahatan na nitahi ni rohana, tapi ia sandiri do na hona dibaensa.

MASMUR 9:5

Angka bangso diuhumi Ho, halak na jahat dipusa Ho. Goar ni halahi madung diapuskon; ro di salolotna halahi dihalupahon.

PODA 18:22

Halak na dapotan boru, mandapot hauntungan; i ma na patuduhon bahaso tusia jop ni roha ni Tuhan.

PODA 19:14

Bagas dohot sinadongan na bolas dapot do i sian ama ina, tapi dadaboru na marroha hum sian Tuhan do dapotna.

PODA 22:23

Belaon ni Tuhan do parkaro ni halahi jana diparkanciti Ia halak na mamparkanciti halahi.

PODA 31:10

Maol do dapot dadaboru na pistar, ummarga do i umpado permata na marlinang-linang.

PODA 31:30

Nada haposan jogi ni rupa jana hajegeson muli hambar do i; tapi dadaboru na mangoloi Tuhan patut dapot pujian.

ENDE NA GODANG 8:8

Adong do ibotonami menek dope adop ni andorana. Aha ma sibaenonnami salaho tusia muda adong na ro manyapai ia?

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

2 KORINTUS 13:7

Hami tangiangkon do tu Debata anso diurupi Ia nian hamu ulang mambaen na jat. Nada na giot paboa-boahon na malo hami mandalankon tugasnami, tapi anso dikarejohon hamu do sanga aha na denggan sibaenonmunu – haru pe idaon songon na gagal hami, nada pola bia i!

1 TESSALONIKA 5:23

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi.

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.

HAKIM-HAKIM 5:2

Puji Tuhan! Marsumpa do Israel laho marjuang; sian ias ni rohana kehe rayat i marporang.

1 SAMUEL 24:15

Diparrohahon raja i ma jolo au on na giot bunuon ni raja ni Israel! Ligi ma au on na nikojarnia i! Anjing na mate sajo do au, hum songon sada hutu sajo.

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.

1 SAMUEL 25:32

Dung i didok si Daud ma tusia, “Nipuji ma Tuhan, Debata ni Israel na marsuru ho mandapotkon au di ari sadari on!

1 SAMUEL 25:34

Madung diantahi Tuhan au mambaen hajahatan maradopkon ho. Mangasahon Tuhan, Debata ni Israel na mangolu i, sugari nada manigor ro ho mandapotkon au, na pasti mate noma sude halak ni si Nabal di habibincar ni mataniari!”

1 SAMUEL 25:40

Jadi lalu ma suruannia i tu anakboru i di Karmel jana didok ma tusia, “Na nisuru ni si Daud do hami mandapotkon ho, harana, por do rohania manyapai hamu gabe daborunia.”

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.