1 SAMUEL 25:36 - BIBEL JAMITA NA DENGGAN

³⁶ Dung mulak si Abigail mandapotkon si Nabal, hapengani masa do pesta godang di bagasnia i songon horja ni raja. Jadi dibaen na mabuk jana marmoga-moga do si Nabal, nada dipaboa dadaborunia i tusia sanga na aha lopus tu ancogotna i.

1 SAMUEL 25:36 ပူးပေါင်းရင်းမြစ်များ

2 SAMUEL 13:23

Dung dua taon mambaen pesta panggusting ni imbulu ni biri-biri ma si Absalom di Baal-Hasor, na di lambung ni kota Efraim. Jana diontang ia ma sude anak ni raja i.

2 SAMUEL 13:28

Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

2 SAMUEL 3:20

Di na mangadop i si Abner dohot dua pulu halak parangannia tu si Daud di Hebron, dibaen si Daud ma pesta di halahi.

1 RAJA-RAJA 20:16

Dipungka ma marporang arian, dompak minum-minum lopus mabuk si Benhadad dohot donganna sitolu pulu dua halak i lopus masuk di parbandaran ni halahi i.

MASMUR 112:5

Martua ma halak na jop roha painjamkon jana na jujur di sude siuruson.

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

PARJAMITA 10:19

Pesta mambaen martata, jana anggur mambaen marmoga-moga. Tapi porlu do hepeng laho manggararisa.

JESAYA 28:3

Dege-degeonna hatongamon ni angka pamimpinna na mabuk i.

JESAYA 5:11

Marjaya ma hamu! Sian manyogot lalu tu borngin, hum na manginum siinumon na koras ma hamu jana marmabuk-mabuk.

JEREMIA 51:57

BaenonKu ma mabuk angka parkuaso ni Babel – angka hatobangon, pamimpin, dohot tentara, lopus tarpodom halahi salolot-lolotna. Madung Hudok hatana; Au ma da Raja, Au do Tuhan Na Markuaso.

HOSEA 4:11

Parbatu ni anggur dohot aek ni anggur mangagohon hagogoan laho marpikir.

NAHUM 1:10

Angke halahi pe angkon mago songon duri na marsijalin-jalinan, abis matutung songon durame na mahiang.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

LUKAS 14:12

Dung i didok Jesus ma tu suhut i, “Muda diontang ho halak mangan arian sanga mangan borngin, ulang ma ontang angka dongan-donganmunu sanga angka kahanggimunu sanga pe angka koum-koummunu sanga angka hombar bagasmu na kayo-kayo. Angke ontangon ni halahi do ho muse jadi dapotan balos do pambaenanmi muda songon i.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

1 SAMUEL 25:19

Dung i didok ia ma hatania tu angka pangoloinia i, “Mardalan ma hamu parjolo sian au; huihutkon pe hamu.” Tapi nada bagi aha didok ia anggo tu halaklahinia i.

1 SAMUEL 25:37

Ancogotna i dung nada be mabuk si Nabal, dipaboa dadaborunia i ma taringot tu sude na masa i. Jadi taroktohon ma si Nabal jana gabe so noma jantungnia jana lumpuon ma pamatangnia.