1 SAMUEL 25:34 - BIBEL JAMITA NA DENGGAN

³⁴ Madung diantahi Tuhan au mambaen hajahatan maradopkon ho. Mangasahon Tuhan, Debata ni Israel na mangolu i, sugari nada manigor ro ho mandapotkon au, na pasti mate noma sude halak ni si Nabal di habibincar ni mataniari!”

1 SAMUEL 25:34 ပူးပေါင်းရင်းမြစ်များ

PAMUNGKAAN 20:6

Jadi dialusi Debata ma di bagasan nipi, “Tutu do i, Huboto do sian roha na ias do dibaen ho songon i; hara ni i ma umbaen na Husundati ho mardosa maradopkon Au, jana nada Hupadiar ho manjama dadaboru i.

JOSUA 10:6

Dipalalu halak Gibeon ma barita on tu si Josua di parbandaran na di Gilgal, “Urupi ma hami tuannami, palua ma hami! Ulang padiar hami! Ro ma tuan i mangurupi hami. Dibaen madung mardomu tentara ni sude angka raja ni Amori na di luat pardolohan mangalo hami!”

JOSUA 10:9

Saborngin i torus ma si Josua dohot parangannia i mardalan sian Gilgal tu Gibeon, lalu ompot ma diroro halahi halak Amori i.

1 SAMUEL 11:11

Ancogotna i, manyogot-nyogot, dibagi tolu si Saul ma angka parangannia i. Jana painte so bincar mataniari diroro halahi ma tu tonga-tonga ni parbandaran ni parangan Amon i mamorangi halahi. Painte so kotu, madung dibunui halak ni si Saul musu i. Halak Amon na sanga malua masarsar be ma i lopus nada adong tarbaen mardua-dua rap marlojong.

1 SAMUEL 25:18

Jadi manigor dibuat si Abigail ma dua ratus roti, dohot dua gunsi anggur, dilompa ma lima biri-biri, dibuat ma lima harung gandum na disaok, saratus kue kismis dohot dua ratus kue ara. Dipaboankon ma sudena i di ginjang ni halode.

1 SAMUEL 25:22

Sai dibunu Debata ma au muda so hubunu sude halaklahi na adong disi painte so bincar mataniari!”

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.