1 SAMUEL 25:32 - BIBEL JAMITA NA DENGGAN

³² Dung i didok si Daud ma tusia, “Nipuji ma Tuhan, Debata ni Israel na marsuru ho mandapotkon au di ari sadari on!

1 SAMUEL 25:32 ပူးပေါင်းရင်းမြစ်များ

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

1 RAJA-RAJA 1:48

lalu martangiang, ‘Puji-pujian ma di Tuhan Debata na nisomba ni halak Israel. Sadari on madung huangkat sahalak sian pomparanku gabe raja manggontihon au. Jana dipaloas Ho dope au mangolu anso tarsaksihon au i!’ ”

1 RAJA-RAJA 8:15

Didokkon si Salomo ma, “Nahinan madung marjanji Ho Tuhan tu damang si Daud songon on, ‘Sian dung Huoban bangsongKu ruar sian Mesir, di sude luat ni Israel, nada adong sada pe kota na Hupili na gabe inganan na angkon disi pajongjongon bagas parsombaan tu Au. Tapi ho ale Daud, madung Hupili ho laho mamarenta bangsongKu.’ Pinuji ma Tuhan Debata ni Israel na dung patulus janjiNa i!”

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

MASMUR 106:48

Puji ma Tuhan, Debata ni Israel, saonnari dohot salolot-lolotna. Sude ma halak mandok, “Amen!” Puji ma Tuhan!

MASMUR 31:22

Mabiar do au anggo di hatiha i jana marpikir, “Madung dipaorot Tuhan au lakna sian adopanNa.” Hape madung habegean tu Ho pangidoanku, di na pio-pio au tu adopanMu.

MASMUR 72:18

Puji ma Tuhan ni Israel! Hum Ia do na patupahon pangalaho na godang.

HARURUAR 18:10

Jana ning ia ma, “Nipuji ma da Tuhan i na dung paluahon hamu sian tangan ni raja dohot bangso Mesir i! Nipuji ma da Tuhan na paluahon bangso Israel sian parhatobanon i!

LUKAS 1:68

“Pinuji ma Tuhan Debata ni bangso Israel Madung ro Ia manopot bangsoNa, jana paluahon halahi.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

JOSUA 22:33

Jadi halak Israel pe sombu be ma antong salaho tu pangalaho i, gabe dipapuji-puji halahi ma Debata. Jana nada dihobari halahi be taringot tu niet ni halahi laho mamorangi angka halak Ruben dohot Gad, dohot na giot mangaroncohon luatna i.