1 SAMUEL 25:28 - BIBEL JAMITA NA DENGGAN

²⁸ Anju ma jolo hahurangankon. Angke tuan i dohot pomparan ni tuan i do baenon ni Tuhan gabe raja di Israel, angke na marporang di Tuhan do antong tuan i; jana nada tompuon ni hajahatan tuan i salolot mangolu.

1 SAMUEL 25:28 ပူးပေါင်းရင်းမြစ်များ

2 SAMUEL 5:2

Sian najolo, taran si Saul dope mamarenta hami, laing na raja i do mamimpin rayat ni Israel di parporangan. Boti muse na dung dijanjihon Tuhan do tu raja i, laing na raja i noma na mamimpin bangsona dohot na gabe raja ni halahi.”

2 SAMUEL 7:11

Mamungka sian haroro ni halahi na jolo tu tano on jana Huangkat angka pamimpin di halahi, na dung ro do angka halak na sai mangasahon gogo mamorangi halahi, tapi nada ro be na masa sisongon i. Hujanjihon ma tu ho sian sude musumu, jana lehenonKu do pomparan di ho.

2 SAMUEL 7:16

Angkon tongtong do adong pomparanmu, jana baenonKu harajaanmu martahan salolot-lolotna. Na so ra marujung do harajaanmu?’ ”

2 SAMUEL 7:27

O Tuhan Na Markuaso! Puluk pe au pasahatkon tangiang on tu adopanmu, hara ni na dung dipatidahon Ho do sude pangalaho i tu au naposoMon, jana dipabotohon Ho tu au na niparmahanMu pomparanku lopus nada adong na mago.

1 RAJA-RAJA 15:3

Dipambaeni si Abia do angka dosa songon na nibaen ni amangnia; nada sian rohania haburjuonnia mangoloi Tuhan Debatania, asing do sian ompuna si Daud.

1 RAJA-RAJA 15:5

Hara ni na nibaen ni si Daud do pangalaho na pasonangkon roha ni Tuhan umbaen dipatupa Tuhan songon i; nada jungada nayang rohania di angka na niparentahon ni Tuhan, asing sian parkaro na tu si Uria halak Het i.

1 RAJA-RAJA 9:5

patulusonKu do janjingKu na tu amamu si Daud i bahaso na tongtong do adong sahalak sian pomparanNia na gabe raja di Israel.

1 JUJUR TAON 17:25

Hupasahat ma tangiang on tu Ho, o Debata angke madung dipabotohon Ho sandiri sandok na songon i tu naposoMon jana dipaboa Ho tu au, na giot baenonMu pomparanku gabe raja ni bangso on.

2 JUJUR TAON 20:15

jana mandok hata ma ia, “Daulat rajanami, maradu angka kahanggi sasudena. Pandok ni Tuhan, nada tola hamu mandele sanga mabiar mida tentara na bahat i. Angke nada hamu na marporang, tapi Debata do.

MASMUR 7:3

Tuhan Debatangku, sugari hubaen hajahatan, mambaen na jat tu dongan, sanga hurugi i alo so adong alasan, muda adong sada sian i hukarejohon,

MASMUR 89:29

Salolot adong langit di ginjang tano martahan do habangsania, jana pomparanna sandiri manjuguhisa.

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

LUKAS 23:41

Anggo hita uhuman na patut do antong, hombar tu pangalahonta. Tapi anggo Bayo on saotik pe inda adong salaNia!”

LUKAS 23:47

Dung diida komandan ni tentara i na masa i, gabe dipuji ia ma Debata. Ning ia ma, “Tutu do! Halak na tigor do Bayo on!”

1 SAMUEL 15:28

Dung i didok si Samuel ma tusia, “Sadari on ma disibakkon Tuhan harajaan Israel sian raja i, jana dilehen ia tu halak na asing na umburju sian raja i.

1 SAMUEL 17:47

jana sudena halak na adong dison marnida na so porlu di Tuhan tombak sanga podang laho paluahon bangsoNa. I ma da na monang di parporangan on jana pasahatonNia ma hamu tu bagasan tangannami.”

1 SAMUEL 18:17

Ditahi roha ni si Saul ma anso dibunu halak Pilistin si Daud di bagasan porang anso ulang ia sandiri mamunusa. Jadi di sada ari didok si Saul ma tu si Daud, “Hupatunang ma borungku siangkaan i dohot ho, asal ma dipatuduhon ho habaranionmu marporang di Tuhan.”

1 SAMUEL 2:35

Dung i todoonKu ma malim na burju tu Au dohot na patuluskon sanga aha na Huparentahon tusia. Sai torus ma markarejo pomparannia songon malim di adopan ni angka raja na Hutodo.

1 SAMUEL 22:14

Jadi dialusi si Ahimelek ma, “Panglima na umburju do si Daud di raja i! Babere ni raja i sandiri do antong ia, kapala ni pangawal ni raja i sandiri, jana na diparsangapi ni sude halak na adong di bagas godang ni raja i tusia.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 24:17

Dung sidung si Daud na pajojorkon hata i, didok si Saul ma, “Tutu dehe i, anakku si Daud ho?” Lalu tangis ma ia.

1 SAMUEL 24:21

Saonnari pos ma rohangku, ho do na gabe raja di Israel jana sai tongtong do togu harajaan Israel di toru ni tanganmu.

1 SAMUEL 24:4

Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.

1 SAMUEL 25:24

di pat ni si Daud, jana mandok hata tusia, “Tuannami, tangihon ma jolo! Padiar ma au sandiri mananggung hasalaan i!

1 SAMUEL 29:3

Jadi di na niida ni angka panglima halahi, sapa-sapa ma angka panglima i, “Na mahua do angka halak Ibrani i dison?” Dialusi si Akhis ma, “Si Daud do on, pagawe ni Raja Saul humani sian Israel. Madung tar lolot ia tinggal rap dohot au. Mamungka sian na ro ia tu au lopus tu sadari on, nada adong dapot au dope hasalaannia.”

1 SAMUEL 30:26

Di na mulak si Daud tu Ziklag, ditongoskon ia ma deba sian barang na dirampas i tu angka pamimpin ni Juda na adong di angka kota inganan haimbar-imbarannia dohot parangannia, didok ia ma, “On ma silua di hamu sian barang na hona rampas na hami buat sian musu ni Tuhan.”