1 SAMUEL 25:26 - BIBEL JAMITA NA DENGGAN

²⁶ Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.

1 SAMUEL 25:26 ပူးပေါင်းရင်းမြစ်များ

PAMUNGKAAN 20:6

Jadi dialusi Debata ma di bagasan nipi, “Tutu do i, Huboto do sian roha na ias do dibaen ho songon i; hara ni i ma umbaen na Husundati ho mardosa maradopkon Au, jana nada Hupadiar ho manjama dadaboru i.

2 SAMUEL 18:32

Disapai raja i ma tusia, “Horas do si Absalom na doli i?” Dung i dialusi naposo i ma, “Padiar ma, sude musu ni raja i, sude halak na mambaen paraloan tu raja i, sarupa do bagianna dohot anak na jeges i.”

2 RAJA-RAJA 2:2

jadi di tonga dalan didok si Elia ma tu si Elisa, “Dison ma ho; disuru Tuhan do anggo au kehe tu Betel!” Tapi dialusi si Elisa ma, “Mangasahon Tuhan na mangolu i dohot mangasahon hosamu Amang, nada giot tadingkononku ho Amang.” Jadi gabe rap ma halahi manoruskon pardalanan tu Betel.

2 RAJA-RAJA 4:6

Dung gok sude angka gunci i, dipangido ia ma sada nari botol. “Inda adong be,” ning sahalak sian anaknia i. Jadi mantak ma use miak i.

MASMUR 44:3

Diingani halahi pe tano i nada i hara ni podang; nada hara ni gogona sandiri halahi umbaen na monang, tapi hara ni kuaso dohot sinondang ni bohiMu, na patandahon holong ni rohaMu maradopkon bangsoMu.

PODA 31:12

Nada unjung dibaensa na jahat tu halaklahina; salolot ngolunia sai denggan do dibaensa tusia.

JEREMIA 29:22

Jadi muda adong halak na dioban tu Babel na giot mamurai sada-sada halak, dokkonon ni halahi ma, ‘Sai dibaen Tuhan ma ho nian songon si Zedekia dohot si Ahab na nitutung ni raja Babel mangolu-olu.’

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

IBRANI 10:30

Angke taboto do sanga ise na mandok songon on, “Au do nampuna pamaloson, Au do na giot mambaen pamaloson!” Jana na mandok muse, “Uhuman ni Tuhan ma bangsoNa.”

1 SAMUEL 1:26

Dung i didok si Hanna ma tu si Eli, “Santabi amang. Diingot amang dope ulaning au? Au do dadaboru na niida ni amang jongjong dison, topet martangiang tu Tuhan.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.

1 SAMUEL 20:16

ulang antong gabe magotap parjanjianta antara hita na dua. Muda jabat magotap, sai Tuhan ma manguhumi ho.”

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 22:3

Kehe ma si Daud sian liang i tu Mispa na di Moab jana didok ia ma tu raja na di Luat Moab, “Paloas ma jolo damang dohot dainang tinggal rap dohot ho lopus huboto sanga aha maksud ni Debata salaho tu au.”

1 SAMUEL 25:25

Ulang dipikirkon tuan i si Nabal, jolma na so hasaya i! Jolma na bodo i – laing songon goarna i. Na so huida do angka utusan na nisuru ni tuan i.

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.