1 SAMUEL 25:21 - BIBEL JAMITA NA DENGGAN

²¹ Marpikir do si Daud di hatiha i, “Parcuma do antong au manjago sinadongan ni bayo i di halongonan i! Saotik pe so adong mago sian sinadongannia; hape saonnari dibaloskon ia ma na denggan na hubaen i dohot hajahatan!

1 SAMUEL 25:21 ပူးပေါင်းရင်းမြစ်များ

PAMUNGKAAN 44:4

Dompak so sadia dao dope halahi sian kota i, didok si Josep ma tu kapala ni pangisi ni bagasnia i, “Ompoti jolo kojar halahi. Muda dung dapot, dok ma tu halahi, ‘Biasi dibaen hamu na jat balos ni na denggan?

JOB 30:8

Nada be margoar halahi jana nada be nitorda, i ma angka halak na hona ayak sian luatna.

MASMUR 35:12

Dibalos halahi do hadenggananku dohot hajahatan; bonom ma au di bagasan pandelean.

MASMUR 37:8

Ulang ho dirajai muruk dohot susa ni roha, hum na pamaol-maolkon dirimu do i sudena.

MASMUR 38:20

Hajahatan do dibaen halahi balos ni hadengganan, jana dimusu halahi au, hara ni na huparayak na denggan.

PODA 17:13

Sanga ise na mambalos hadengganan dohot na jat, sian bagasna pe nada morot be na jat.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

SURAT NI SI PAULUS TU PARLAGUTAN ROM 12:21

Ulang ma padiar hamu dirimunu ditaluhon na jat i, tapi taluhon hamu ma hajahatan i markite-hite hadengganan.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

EPESUS 4:31

Salpuhon hamu ma sandok hancit ni roha, hosom dohot muruk. Ulang be manyonggahi hamu sanga panyaor-nyaorkon, ulang be adong na margoyak ni roha sanga pangkilalaan na sarupa dohot i.

1 TESSALONIKA 5:15

Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.

1 PETRUS 3:17

Gumonan dope manaon parkancitan hamu hara ni na mambaen na denggan – muda na tumbuk ma i tu roha ni Debata – ulang pado manaon hara ni na mambaen na jahat.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

1 SAMUEL 25:13

“Alitkon hamu ma podangmunu!” ning si Daud mamarenta jana marsibaen ma songon i. Si Daud pe dialitkon ia ma podangnia jana kehe ma ia dohot halahi hira-hira opat ratus halak bahatna, tapi anggo na dua ratus nari tinggal ma manjago barang-barang.

1 SAMUEL 25:15

Hape nian burju sajo do halahi tu hami. Nada jungada hami hona ganggu, jana na so unjung do agoan bagi aha hami di na rap hami di padang-padang i.

1 SAMUEL 25:20

Dilombut si Abigail ma halodenia i, jana di na lalu ia di pangeldohan na di lambung ni dolok, marsuo ma ia dohot si Daud bope paranganna i na marbaris giot mandapotkon ia.

1 SAMUEL 25:7

Hubege baritana, topet do ho manggusting imbulu ni biri-birimu. Jadi nada unjung hami hahua angka parmahanmu na adong di luat on jana na so jungada dope agoan bagi aha halahi salolot di Karmel.