1 SAMUEL 25:19 - BIBEL JAMITA NA DENGGAN

¹⁹ Dung i didok ia ma hatania tu angka pangoloinia i, “Mardalan ma hamu parjolo sian au; huihutkon pe hamu.” Tapi nada bagi aha didok ia anggo tu halaklahinia i.

1 SAMUEL 25:19 ပူးပေါင်းရင်းမြစ်များ

PAMUNGKAAN 32:16

Dibagi-bagi ia ma i marhulanan-hulanan, jana ganop hulanan dipasahat ia ma i tu sahalak hatobannia. Didok ia ma tu halahi, “Hamu ma di jolo mardalan, jana marantara ma baen hamu hulanan na parjolo tu na di pudina.”

PAMUNGKAAN 32:19

Tu angka naposonia na paduahon pe, na patoluhon dohot sude na nisurunia mangurus hulanan ni pahan-pahanan i, dilehen ia ma parenta na sarupa. Harana dipikir si Jakob tarelek-elek ia ma si Esau markite-hite somba-somba i, jadi muda marsuo, ro ma si Esau mangampuni ia.

PAMUNGKAAN 32:21

Jadi hara ni i ma umbaen na parjolo ditongos ia somba-somba i, hape ia sandiri marborngin di bandar do.

PODA 31:27

Sai ringgas ia karejo dohot mangarohahon haporluan ni dongan sabagasna.

1 SAMUEL 14:1

Sanoli didok si Jonatan ma tu doli-doli sioban sinjatania, “Beta, kehe ma hita tu benteng ni Pilistin na di bariba an!” Hape nada mangido isin ia jolo sian amangnia i.

1 SAMUEL 25:20

Dilombut si Abigail ma halodenia i, jana di na lalu ia di pangeldohan na di lambung ni dolok, marsuo ma ia dohot si Daud bope paranganna i na marbaris giot mandapotkon ia.

1 SAMUEL 25:36

Dung mulak si Abigail mandapotkon si Nabal, hapengani masa do pesta godang di bagasnia i songon horja ni raja. Jadi dibaen na mabuk jana marmoga-moga do si Nabal, nada dipaboa dadaborunia i tusia sanga na aha lopus tu ancogotna i.