1 SAMUEL 25:13 - BIBEL JAMITA NA DENGGAN

¹³ “Alitkon hamu ma podangmunu!” ning si Daud mamarenta jana marsibaen ma songon i. Si Daud pe dialitkon ia ma podangnia jana kehe ma ia dohot halahi hira-hira opat ratus halak bahatna, tapi anggo na dua ratus nari tinggal ma manjago barang-barang.

1 SAMUEL 25:13 ပူးပေါင်းရင်းမြစ်များ

2 SAMUEL 15:18

Jongjong ma sude pagawe ni raja i di lambungnia di na mamolus angka tentara pangawal ni raja i marbaris. Songon i muse tentara sionom ratus halak (halak Kreti dohot halak Pleti) na mangihutkon ia sian Gat, laing marbaris ma di jolonia.

PODA 14:29

Halak na sobar bidang do pangastuionna, tapi halak parmuruk na pagodang haotoanna.

PODA 16:32

Lumambat muruk dumenggan dope i sian na markuaso; mangarajai diri gumonan dope sian na patalu kota.

PODA 19:11

Halak na marroha ditahan do murukna. Tarpuji do ia hara ni na so parduli di hasalaan ni halak maradopkon ia.

PODA 19:2

Nada denggan mangaringgas iba mangkarejohon na so binoto, halak na mopop gabe dapotan hamaolon do.

PODA 20:22

Ulang nibaloskon hajahatan. Nihaporsayaan ma Tuhan, anso Ia paturehon.

PODA 25:8

Ulang iba mopop maroban parkaro tu pangadilan; harana, muda tardapot do iba muse sala aha dope he na bolas baenonniba?

JOSUA 9:14

Jadi dijagit halak Israel ma antong sipanganon i sian angka halak Gibeon i, hape nada mangido sipaingot halahi sian Tuhan salaho tusi.

1 SAMUEL 22:2

Songon i muse angka halak na hona pisat dohot angka na marutang dohot na so puas pangkilalaanna mardomu ma tu si Daud jana si Daud ma gabe pamimpin ni halahi. Adong ma hira-hira opat ratus halak na mangihutkon si Daud.

1 SAMUEL 23:13

Jadi manigor morot ma si Daud dohot parangan i hira-hira onom ratus halak sian Kehila jana mimbarimbar ma halahi sian inganan na sada tu inganan na asing. Dung dibege si Saul na dung luncat si Daud sian Kehila, disundati ia ma maksudnia laho mamorangi si Daud.

1 SAMUEL 25:12

Jadi mulak ma parangan ni si Daud i mandapotkon si Daud paboahon tusia angka hata na nidok ni si Nabal i.

1 SAMUEL 27:2

Jadi manigor kehe ma si Daud dohot parangannia na onom ratus halak i tu si Akhis anak ni si Maok raja ni kota Gat.