1 SAMUEL 25:11 - BIBEL JAMITA NA DENGGAN

¹¹ Dia ma tola buaton rotingku dohot aek inumonku dohot juhut na huparade di angka panggustingku laho mangalehen i sudena tu halak na so torang asal usulna!”

1 SAMUEL 25:11 ပူးပေါင်းရင်းမြစ်များ

JOB 31:17

Inda unjung hupadiar tangkuraparon na so marama so marina, hape au sandiri tuk do panganonniba.

2 KORINTUS 6:9

Halak na so ditanda do hami ninna, hape sude do halak mananda hami. Na dung mate do hami ning roha ni halak, hape laing mangolu do satutuna. Haru pe hona loncing hami, hape nada jabat mate.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

PANGARATAION 8:17

Jadi, ulang diambang hamu hara ni pambaenan dohot gogomunu sandiri hamu gabe mamora.

1 PETRUS 4:9

Marsijagitan ma hamu na sada tu na asing di bagasna be, so pola humolos.

HAKIM-HAKIM 8:15

Dung i didapotkon si Gideon ma angka hatobangon na di kota i lalu didok ia, “Ligi bo, indon ma si Zebah dohot si Salmuna. Pasti laing diingot hamu dope, na so ra hamu manolong au hara ni na so hutangkup i dope ia, atehe? Umpe ra hamu mangalehen panganon di anak buangki; hape di bagasan na loja do halahi di hatiha i.”

HAKIM-HAKIM 8:6

Tapi dialusi angka pamimpin na di Sukot i ma, “Ah, so ditangkup hamu dope antong si Zebah dohot si Salmuna, ma mangido mangan hamu! Aha ma he gunana lehenon mangan anak buami?”

HAKIM-HAKIM 8:8

Dung i ditoruskon si Gideon ma pardalanan lopus lalu tu Pnuel. Disi laing dipangido ia ma sipanganon di anak buania i. Hape sarupa muse do alus ni halak Pnuel dohot alus ni halak Sukot.

1 SAMUEL 24:13

Sai Tuhan ma na mamutuskon sanga ise do sian hita na marsala! Sai Tuhan ma na mambaloskon pambaenan ni raja i tu au tapi anggo au saotik pe nada hancitan raja i baenonku.

1 SAMUEL 25:12

Jadi mulak ma parangan ni si Daud i mandapotkon si Daud paboahon tusia angka hata na nidok ni si Nabal i.

1 SAMUEL 25:3

Goarnia i ma si Nabal – si Abigail do goar ni dadaborunia. Na malo do si Abigail boti jeges. Hape anggo si Nabal, kasar do tabiatnia, jana jatjat do pangalahona. Sian horong ni si Kaleb do ibana.

1 SAMUEL 25:7

Hubege baritana, topet do ho manggusting imbulu ni biri-birimu. Jadi nada unjung hami hahua angka parmahanmu na adong di luat on jana na so jungada dope agoan bagi aha halahi salolot di Karmel.