1 SAMUEL 25:10 - BIBEL JAMITA NA DENGGAN

¹⁰ Tapi dialusi si Nabal ma, “Si Daud? Ise dehe i? Nada unjung dope hubege taringot tu bayo i! Di hatiha na parpudi on, bahat do hatoban na lari sian tuanna di luat on!

1 SAMUEL 25:10 ပူးပေါင်းရင်းမြစ်များ

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

1 RAJA-RAJA 12:16

Disi diida rayat i na so ra raja i manangihon na nidok ni halahi, marsurak ma halahi, “Pardulinta i si Daud dohot pomparanna i! So na adong dibaen i tu hita sanga na aha. Beta, mulak hita, halak Israel on! Tapadiar ma si Rehabeam mangurus dirina sandiri!” Gabe mangalo ma halak Israel

HARURUAR 5:2

Disapai raja Mesir i ma, “Ise dehe Tuhan i? Biasi angkon tangihononku i, jana paloasonku kehe bangso Israel? Nada hutanda Tuhan i, jana halak Israel pe nada huloas kehe.”

PODA 15:1

Alus na lambok paombun rimas alus na kasar patamba gilap.

PARJAMITA 7:10

Ulang nisapaan, ‘Biasi dumenggan hatiha najolo umpado saonnari?’ Hum halak na oto do na marsapa songon i.

JESAYA 32:5

Halak na bodo nada be etongon na marsangap, jana pargabus nada be didokkon i na jujur.

JESAYA 32:7

Na jahat do halak na bodo i jana sai matua mambaen na jahat do i. Diakalkon ia do i laho mangago halak na pogos marhite gabus dohot na mangambatisa manjagit aturan bagianna humani.

HAKIM-HAKIM 9:28

Didok si Gaal ma, “Ise ma he si Abimelek i jana ise lakna hita angka halak Sikem on? Inda he anak ni si Gideon i? Inda he na patut gabe hatoban ni si Hemor anak ni si Sikem do si Gideon dohot si Zebul wakilnia i?

1 SAMUEL 20:30

Umbege i, manigor gilap ma dihilala si Saul tu si Jonatan jana didok ma tusia, “Anak gampang ho! Saonnari ma huboto hape na mamihak tu si Daud do ho jana dipaila ho dirimu sandiri dohot inangmu!

1 SAMUEL 22:2

Songon i muse angka halak na hona pisat dohot angka na marutang dohot na so puas pangkilalaanna mardomu ma tu si Daud jana si Daud ma gabe pamimpin ni halahi. Adong ma hira-hira opat ratus halak na mangihutkon si Daud.

1 SAMUEL 25:9

Songon i ma dipalalu parangan ni si Daud tona i tu si Nabal marhite goar ni si Daud, dung i paintehon ma halahi.