Ditanda si Juda do barang-barang i, gabe didok ia ma, “Tigor do anak boru i. Au do na so manggohi na patut baenonku tusia – aturanna angkon pabagasonku do ia antong tu anakku si Sela.” Jadi nada be jungada si Juda marmainan dohot si Tamar.
Dung dipaboa tu si Saul na di Kehila si Daud, ning rohania ma, “Ma dipasahat Debata si Daud tu au. Ma hona jorat ia di na masuk ia tu kota na martembok jana na marpintu horbangan i.”
Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?
Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.
Dung i didok si Abisai ma tu si Daud, “Madung dipasahat Debata di borngin on musumu tu ho. Paloas ma hupantikkon ia tu tano i dohot tombaknia i sandiri, anso hupangabis ia santiham hubaen, nada pola jabat dua noli baenonku!”