1 SAMUEL 24:17 - BIBEL JAMITA NA DENGGAN

¹⁷ Dung sidung si Daud na pajojorkon hata i, didok si Saul ma, “Tutu dehe i, anakku si Daud ho?” Lalu tangis ma ia.

1 SAMUEL 24:17 ပူးပေါင်းရင်းမြစ်များ

PAMUNGKAAN 38:26

Ditanda si Juda do barang-barang i, gabe didok ia ma, “Tigor do anak boru i. Au do na so manggohi na patut baenonku tusia – aturanna angkon pabagasonku do ia antong tu anakku si Sela.” Jadi nada be jungada si Juda marmainan dohot si Tamar.

MASMUR 37:6

PatangkasonNia ma haburjuonmu songon na tiur, marsinondang ma hadenggananmu songon mataniari.

HARURUAR 9:27

Dung i disuru raja i ma anso dipio si Musa dohot si Harun, ninna ma, “Madung mardosa au sanoli on. Tigor do Tuhan i tapi au do dohot rayatku na marsala.

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

1 SAMUEL 26:17

Ditandai si Saul do sora ni si Daud jana disapai ia ma, “Ho dehe i, amang Daud?” Dialusi si Daud ma, “Olo, rajanami.”

1 SAMUEL 26:21

Dung i dialusi si Saul ma, “Ma sala na hubaen i. Mulak ma ho anakku, Daud! Nada baenonku be na jahat tu ho, dibaen madung dipadiar ho au mangolu napotangin. Na bodo ma antong pangalahongku. Na dung tutu situtu do au hape lilu.”