1 SAMUEL 24:15 - BIBEL JAMITA NA DENGGAN

¹⁵ Diparrohahon raja i ma jolo au on na giot bunuon ni raja ni Israel! Ligi ma au on na nikojarnia i! Anjing na mate sajo do au, hum songon sada hutu sajo.

1 SAMUEL 24:15 ပူးပေါင်းရင်းမြစ်များ

MASMUR 119:154

Ondihon jana palua ma au, pangolu ma au hombar tu baga-bagaMu.

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

MIKA 1:2

Tangihon hamu ma, ale angka bangso! Parrohahon ma, ale angka na mangingani tano! Masuk do Tuhan Debata tu paruhuman gabe saksi mangalo hamu sudena! Tangihon ma Ia mandok hata sian bagasNia Na Badia i.

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

HAKIM-HAKIM 11:27

Nada, nada marsala au tu ho. Ho do na marsala hara ni na pajolohon mamorangi au. Tuhan ma Hakimna na mamutuskon parkaro on sadari on antara ni bangso Israel dohot bangso Amon.”

1 SAMUEL 17:43

Didok si Goliat ma tu si Daud, “Na giot tu aha ma tungkot i? Na dietong ho do lakna au anjing?” Jana diburai ia ma si Daud mangasahon angka debatana.

1 SAMUEL 24:12

Ligi ma amang, ligi ma gotap-gotap ni baju ni raja i na hutiop on! Satutuna tarbunu au do nian raja i, tapi hum na saotik on sajo do hugotap. Jadi torang do na so adong rohangku mambaen na jahat sanga na giot mangago. Hape diayak-ayak raja do au haru pe nian na so adong saotik pe salangku maradopkon raja i.

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.

1 SAMUEL 26:20

Ulang ma antong padiar au hona bunu di tano na asing, dao sian Tuhan. Aha ma he gunana ro raja ni Israel laho mambunu au songon halak na mambunu manuk harangan di dolok-dolok?”

1 SAMUEL 26:4

Jadi disuru ia ma pamata-matai jana tangkas ma diboto ia na disi do si Saul.