Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 SAMUEL 24:11 - BIBEL JAMITA NA DENGGAN

11 Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

အခန်းကိုကြည့်ပါ။ ကော်ပီ




1 SAMUEL 24:11
22 ပူးပေါင်းရင်းမြစ်များ  

Didok si Daud ma, “Na puluk ma ho antong mamunu raja na nipili ni Tuhan!”


Tapi dipadonok angka pangurupinia ma tusia mandok, “Sugari disuru tuan i mambaen karejo na maol, pasti do patuluson ni tuan i. Mur ma hape hum maridi do disuru ia tuan i anso malum!”


Muda mandapot iba haru pe nian so sadia, mangayak ma Ho tu au songon singa. Jana dipatudu Ho ma mangulahi kuasoMu, hum na giot mangago tu au.


Disosak angka na markuaso do au soada dalanna, tapi mabiar mida parentaMu sajo do au.


Ulang padiar panggete-gete mangingani tano on, padiar ma halak na mangasahon gogo diayak-ayak hasusaan lopus mate.


So adong harana manaon jorgong halahi tu au, dohot mambaen godung na bagas padapotkon au.


Ligi bo, ma singkop halahi giot mamunu au, mardomu halak na jahat laho manyoro au; hape nian nada hara ni na mardosa au, sanga na hulaosi aturanMu, ale Tuhan.


padiar ma au diayak jana ditangkup musu, torus dibunu jana ditinggalkon di bagasan abu.


Alus na lambok paombun rimas alus na kasar patamba gilap.


Nada tarbaen hami ruar tu alaman, hara ni panjago ni alo na rongkingan. Dapot ma da ajalnami, madung marujung ari-arinami.


jana palalu ma sanga aha na Hudok, Au Tuhan Debata mandok tu halahi: ‘Marjaya ma hamu ale angka dadaboru paralatan! Dipambaeni hamu di jolma sudena angka golang-golang ajimet dohot angka basaen sipatunduk anso tarrajai na mamakena i ngolu ni halak na asing. Sai giot markuaso do hamu di ngolu dohot hamamate ni bangsongKu jana mangahut tu diri do dipake hamu kuaso i.


Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.


Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’


Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”


Dung i maringanan di liang ni dolok na di Parhorsihan Zip noma si Daud, disi ma ia martabuni. Sai marpupu do ia dikojar si Saul, tapi nada dipasahat Tuhan ia tu raja i.


Jadi tangkas ma pareso hamu sanga liang dia na jungada dipake ia inganannia martabuni, dung i ulahi hamu ma ro tuson laho paboahon tu au. Disi ma rap kehe au dohot hamu, jana muda laing di luat i do ia antong, musti hujalahi, haru lopus husarsar sude Juda!”


Anju ma jolo hahurangankon. Angke tuan i dohot pomparan ni tuan i do baenon ni Tuhan gabe raja di Israel, angke na marporang di Tuhan do antong tuan i; jana nada tompuon ni hajahatan tuan i salolot mangolu.


Didok ia muse dope, “Biasi dope laing dikojar raja i au? Hasalaan dia do na hubaen?


Ulang ma antong padiar au hona bunu di tano na asing, dao sian Tuhan. Aha ma he gunana ro raja ni Israel laho mambunu au songon halak na mambunu manuk harangan di dolok-dolok?”


Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ