1 SAMUEL 24:10 - BIBEL JAMITA NA DENGGAN

¹⁰ Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?

1 SAMUEL 24:10 ပူးပေါင်းရင်းမြစ်များ

MASMUR 105:15

“Ulang ganggu hamu bangso pilianKu, ulang hahua hamu angka panurirangKu!”

MASMUR 125:3

Nada sai torus markuaso anggo parjahat di tano ni angka halak na burju, anso ulang dohot muse na burju i mambaen na jahat.

MASMUR 7:3

Tuhan Debatangku, sugari hubaen hajahatan, mambaen na jat tu dongan, sanga hurugi i alo so adong alasan, muda adong sada sian i hukarejohon,

HARURUAR 21:13

Tapi anggo so na nisangajona do na mamukul i jana nada adong hian maksudna mamatehonsa, tola do lari tu sada inganan sipaboaonKu tu ho, jana disi ma ia anso malua.

JEHESKIEL 22:9

Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

1 SAMUEL 24:4

Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.

1 SAMUEL 24:9

Si Daud pe ruar muse ma sian liang i jana pio-pio ma ia sian pudi ni si Saul, “Ale rajanami!”