1 SAMUEL 23:9 - BIBEL JAMITA NA DENGGAN

⁹ Hape na dung tarboto do tu si Daud na martahi na jahat si Saul tusia. Jadi gabe didok ia ma tu Malim Abyatar, “Oban ma efod i tuson.”

1 SAMUEL 23:9 ပူးပေါင်းရင်းမြစ်များ

1 RAJA-RAJA 2:26

Dung i didokkon Raja Salomo ma tu Malim Abyatar, “Kehe ma ho mulak tu hutamu tu Anatot. Patut mate uhumon do ho nian, tapi anggo sadari on nada hubunu ho, angke di hatiha rap dope dohot damang, dohot do ho manaon parkancitannia. Jana ho muse do na pauli-uli Poti Parjanjian ni Tuhan i.”

JEREMIA 33:3

“Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

BILANGAN 27:21

Angkon marsapa do si Josua tu si Eleasar jana sapaan ni si Eleasar ma hagiotKu marhite na mamake Urim. Marhite na songon i ma si Eleasar mamimpin si Josua dohot sude bangso Israel di sude parkaro na ro tu halahi.”

BAENON NI ANGKA RASUL 14:6

Diboto rasul na dua i do pangalaho i, gabe martabuni ma halahi tu Listra dohot tu Derbe, i ma kota na di Luat Likaonia, dohot tu luat na humaliang i.

BAENON NI ANGKA RASUL 9:24

Tapi tarboto ma tusia na nitahihon ni halahi i. Dipainte-inte halahi ma arian na borngin di dalan haroroan tu kota i laho mamunu ia.

1 SAMUEL 10:22

Jadi sapa-sapa ma angka jolma i tu Tuhan, “O Tuhan, na dung dison dehe halakna i?” Dialusi Tuhan ma, “Martabuni do ia di balik ni barang-barang.”

1 SAMUEL 14:18

“Oban ma efod i tuson,” ning si Saul tu Malim Ahia. (Di jolo ni halak Israel do dioban si Ahia di ari i, efod i.)

1 SAMUEL 22:20

Hum sasada si Abyatar, sada sian angka anak ni si Ahimelek sajo na malua. Kehe ia maporus tu si Daud,

1 SAMUEL 23:10

Jadi didok si Daud ma, “Tuhan, Debata ni Israel, madung hubege na giot ro si Saul tu Kehila laho mangaroncohon kota on hara ni au naposoMon.”

1 SAMUEL 23:6

Di na kehe si Abyatar anak ni si Ahimelek maporus mandapotkon si Daud lalu didongani ia ma si Daud tu Kehila, dioban ia muse do Efod.

1 SAMUEL 23:8

Jadi diarahon si Saul ma tentarania anso kehe tu Kehila laho manghobuk si Daud rap dohot parangannia i.

1 SAMUEL 30:7

Dung i didok si Daud ma tu Malim Abyatar anak ni si Ahimelek i, “Oban ma jolo tuson efod i!” Jadi dioban si Abyatar ma efod i tusia.