1 SAMUEL 23:25 - BIBEL JAMITA NA DENGGAN

²⁵ Ro ma si Saul dohot tentarania i giot manjalahi si Daud, hape dipaboa halak ma pangalaho i tu si Daud, jadi gabe kehe ma ia tu dolok batu na di Parhorsihan Maon jana disi ma ia maringanan. Dung diboto si Saul na songon i, manigor dikojar ia ma si Daud.

1 SAMUEL 23:25 ပူးပေါင်းရင်းမြစ်များ

2 SAMUEL 22:2

Tuhan i do panjagongku, benteng na togu do di au.

HAKIM-HAKIM 15:8

Dung i diroro ia ma mangalo halahi jana bahat do sian halahi na nibununia dohot kejam. Dung i kehe ma ia jana maringanan ma ia di dolok batu di Etam.

1 SAMUEL 23:24

Jadi kehe ma halahi mulak tu Zip manjoloi si Saul. Di hatiha i di Parhorsihan Maon di rura na lungun na di Luat Selatan ni Parhorsihan Juda do si Daud dohot parangannia i.

1 SAMUEL 23:26

Mardalan di lambung dolok sabola on ma si Saul dohot tentarania i, hapengani si Daud dohot parangannia sabola adu. Diompoti si Daud ma laho maporus sian si Saul na dung mamungka manghobuk laho manangkup halahi.

1 SAMUEL 23:28

Gabe diantak si Saul ma na mangkojar si Daud, lalu kehe ma ia marporang mangalo halak Pilistin. I ma dalanna umbaen margoar inganan i Dolok Panyirangan.