1 SAMUEL 23:23 - BIBEL JAMITA NA DENGGAN

²³ Jadi tangkas ma pareso hamu sanga liang dia na jungada dipake ia inganannia martabuni, dung i ulahi hamu ma ro tuson laho paboahon tu au. Disi ma rap kehe au dohot hamu, jana muda laing di luat i do ia antong, musti hujalahi, haru lopus husarsar sude Juda!”

1 SAMUEL 23:23 ပူးပေါင်းရင်းမြစ်များ

1 RAJA-RAJA 18:10

Mangasahon Debatamu Tuhan na mangolu i, husumpahon ma, na dung disuru raja i do manjalahi ho amang di ganop luat di na satano on. Muda didok parkuaso di sada luat na so adong ho di luat i, digogohon si Ahab do anso marsumpa parkuaso i paboa na tutu situtu na so adong tarida ho amang di luat i.

2 RAJA-RAJA 6:13

“Jalahi hamu sanga na di dia ia,” ning raja i, “Anso tartangkup au i.” Dipaboa halak ma na di Dotan si Elisa.

MASMUR 10:8

Martabuni ia di angka huta giot mamunu halak na so marsala. Songon singa paintehon di balik ni ramba na poso, mangaligi-ligi halak na so margogo. Diolat ia halak na dangol di inganan na buni, ditangkup lalu disarat ia sian i.

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

BILANGAN 10:36

Jana ganop maradian Poti Parjanjian i, didok si Musa ma, “Mulak ma Ho ale Tuhan tu halak Israel na marribu-ribu i.”

MARKUS 14:1

Dua ari nari noma anso Ari Pesta Paskah – dohot Roti Na So Marragi. Manjalak-jalahi dalan ma angka sintua ni malim dohot angka Siboto Surat laho manangkup Jesus sip-sip anso dibunu halahi Ia.

1 SAMUEL 23:22

Kehe ma hamu jana pastihon hamu ma mangulahi; tangkas ma pareso hamu sanga na di dia si Daud jana ise na marnida ia disi. Anggo hubege, na malo situtu do ia.

1 SAMUEL 23:24

Jadi kehe ma halahi mulak tu Zip manjoloi si Saul. Di hatiha i di Parhorsihan Maon di rura na lungun na di Luat Selatan ni Parhorsihan Juda do si Daud dohot parangannia i.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.