1 SAMUEL 23:2 - BIBEL JAMITA NA DENGGAN

² Dung i disapai ia ma tu Tuhan, “Angkon kehe dehe au mangalo halak Pilistin i?” ning ia. “Olo,” ninna Tuhan mangalusi, “Alo ma halahi jana palua ma Kehila.”

1 SAMUEL 23:2 ပူးပေါင်းရင်းမြစ်များ

2 SAMUEL 2:1

Dung i marsapa ma si Daud tu Tuhan, “Diparhagiot rohaMu do Tuhan kehe au tu Juda mangarajai sada kota na adong disi?” “Olo,” ninna Tuhan mangalusi. “Kota dia ma i?” ning si Daud manyapai. “Hebron,” ninna Tuhan.

2 SAMUEL 5:19

Marsapa ma si Daud tu Tuhan, “Angkon poranganku dehe ulaning halak Pilistin i? LehenonMu do hamonangan di au?” Alus ni Tuhan, “Alo ma! Hulehen pe hamonangan di ho!”

2 SAMUEL 5:23

Dipangido si Daud ma muse panogu-noguon sian Tuhan. Dialusi Tuhan ma, “Ulang alo halahi sian on, tapi dalani ma mamutar jana sian pudi ma alo halahi, di lambung ni harangan ni gaboro i.

1 JUJUR TAON 14:10

Jadi marsapa ma si Daud tu Debata, “O Tuhan, angkon aloonku dehe halak Pilistin on? Lehenon ni Tuhan dehe hamonangan di au?” Dialusi Tuhan ma, “Olo, pajolo ma mangaroro! Hulehen pe hamonangan di ho!”

MASMUR 32:8

Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

BILANGAN 27:21

Angkon marsapa do si Josua tu si Eleasar jana sapaan ni si Eleasar ma hagiotKu marhite na mamake Urim. Marhite na songon i ma si Eleasar mamimpin si Josua dohot sude bangso Israel di sude parkaro na ro tu halahi.”

JOSUA 9:14

Jadi dijagit halak Israel ma antong sipanganon i sian angka halak Gibeon i, hape nada mangido sipaingot halahi sian Tuhan salaho tusi.

HAKIM-HAKIM 1:1

Dung marujung ngolu ni si Josua, marsapa ma halak Israel tu Tuhan, “Tuhan, marga dia do sian hami na parjolo angkon mamorangi halak Kanaan?”

1 SAMUEL 10:22

Jadi sapa-sapa ma angka jolma i tu Tuhan, “O Tuhan, na dung dison dehe halakna i?” Dialusi Tuhan ma, “Martabuni do ia di balik ni barang-barang.”

1 SAMUEL 14:37

Lalu marsapa ma si Saul tu Debata, “Tola dehe au mangaroro halak Pilistin? PasahatonMu dehe halahi tu tangan ni Israel?” Hapengani nada dialusi Debata ia di ari i.

1 SAMUEL 23:3

Tapi didok parangan ni si Daud i ma tusia, “Salang dison, di Juda on ma pola santak biarta; mur ma angkon kehe hita mangalo tentara ni Pilistin di Kehila.”

1 SAMUEL 23:4

Jadi gabe mangido panogu-noguon ma si Daud mangulahi sian Tuhan, jana dialusi Tuhan ma, “Ulang gamang hamu! Roro hamu ma tu Kehila, harana giot pasahatonKu do tentara ni Pilistin i tu hamu.”

1 SAMUEL 23:6

Di na kehe si Abyatar anak ni si Ahimelek maporus mandapotkon si Daud lalu didongani ia ma si Daud tu Kehila, dioban ia muse do Efod.

1 SAMUEL 30:8

Dung i marsapa ma si Daud tu Tuhan, “Angkon kojaronku do ulaning garombolan pangaroro i? Tarkojar au dope halahi?” Dialusi Tuhan ma, “Olo, kojar ma! Dapot ho dope i jana paluaonmu ma angka na tartaban i.”