1 SAMUEL 23:17 - BIBEL JAMITA NA DENGGAN

¹⁷ Didok si Jonatan ma tusia, “Ulang ho mabiar, indangkan na lalu ho madabu tu tangan ni amanta. Torang do diboto amanta, ho do gontinia na gabe raja ni Israel jana au ma juguk di torumu.”

1 SAMUEL 23:17 ပူးပေါင်းရင်းမြစ်များ

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

PODA 14:26

Muda dipasangap Tuhan jumpang do dame ni roha, jana dongan sabagasna dapotan gogo marpangondian.

PODA 19:21

Tarbaen jolma do patupa sangkap, tapi hum maksud ni Tuhan do na tarlaksana.

JESAYA 35:3

Pargogoi ma tangan na gale, patogu ma dugul na hitir-hitir.

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

BAENON NI ANGKA RASUL 28:16

Dung lalu di Rom, dipatola do si Paulus maringanan sandiri, tapi laing adong do sahalak parajurit manjagoi ia.

BAENON NI ANGKA RASUL 5:39

Tapi muda sian Debata do mula ni i, nada tartaluhon hamunu i. Betak na tardapot muse do hamu angka dongan, na mangalo tu Debata.” Dijagit rapot i ma hata ni si Gamaliel i.

SURAT NI SI PAULUS TU PARLAGUTAN ROM 15:24

Jadi muda mardalan au tu Spanyol, disi ma au ro tu hamu dibaen arop do rohangku idaonku ma hamu, di na mamolus i au, anso didongani hamu ma au tusi, dung jop rohangku marsuo dohot hamu.

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

1 SAMUEL 20:31

Na so diboto ho dehe anggo salolot mangolu si Daud na so tarbaen ho gabe raja di luat on? Saonnari suruhon ma halak manjalahi dohot maroban ia tuson, harana angkon mate do ia!”

1 SAMUEL 22:23

Tongtong ma ho rap dohot au, jana ulang ho mabiar. Sai giot bunuon ni si Saul do ho, tapi au pe laing na giot bunuonnia muse do: Jadi, sonang ma ho di ingananku.”

1 SAMUEL 24:19

Madung dipatidahon di ari sadarion na denggan do hape rohamu tu au, angke nada dibunu ho au haru pe na dung dipasahat Tuhan au tu tanganmu.

1 SAMUEL 24:20

Jarang do dapot halak na padiarkon musuna malua boti! Antong, sai dipasupasu Tuhan ma ho hara ni angka na nibaenmu maradopkon au sadari on!

1 SAMUEL 24:21

Saonnari pos ma rohangku, ho do na gabe raja di Israel jana sai tongtong do togu harajaan Israel di toru ni tanganmu.

1 SAMUEL 24:4

Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.

1 SAMUEL 25:30

Muda dung dipatulus Tuhan i angka na denggan na dung nijanjihonNa i tu tuan i, jana muda dung dibaen ho gabe raja di Israel,