1 SAMUEL 22:8 - BIBEL JAMITA NA DENGGAN

⁸ I ma he dalanna umbaen na marpokat hamu mangalo au jana umpe adong sahalak na paboahon tu au bahaso na marpihak tu si Daud anakku sandiri? Sahalak pe nada adong sian hamu na gamang salaho tu diringku sanga na paboahon tu au na painte hatihana si Daud paranganku sandiri laho mamunu au, jana na dung dilehen si Jonatan anakki soso-soso tusia!”

1 SAMUEL 22:8 ပူးပေါင်းရင်းမြစ်များ

2 RAJA-RAJA 6:11

Dut ma roha ni raja Siria hara ni i, jabat dipiohon ia angka na marpangkat sian angka tentarania manyapai, “Pasti adong sian tonga-tonganta na manghianat. Ise halakna i? Paboa hamu jolo!”

JOB 33:16

Disuru Debata do halahi anso manangi di hataNa; disonggoti Ia halahi dohot hata gora-gora.

1 SAMUEL 18:1

Dung sidung si Saul dohot si Daud na manghobar-hobari i, lohot ma roha ni Jonatan tu si Daud, lalu holong ma rohania tu si Daud songon dirinia sandiri.

1 SAMUEL 18:3

Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.

1 SAMUEL 20:2

Dialusi si Jonatan ma, “Ulang dokkon songon i! Nada bunuon ho. Sai dipaboa amanta do tu au sude sangkapnia, bope na porlu bope na so porlu. Jadi nada ra ia manabunihon na songon i tu au. Jadi, nada tutu sude na nidokkonmi!”

1 SAMUEL 20:42

Dung i didok si Jonatan ma tu si Daud, “Sai didongani Debata ma ho. Jagohonon ni Tuhan do anso togu hita maniop janjinta na dua dohot pomparanta di adopan ni Debata.” Dung salpu i, kehe ma si Daud, jana si Jonatan pe mulak ma tu kota.

1 SAMUEL 20:8

Na mangido tolong ma au tu ho, dibaen na dung mamudun janji do hita di adopan ni Tuhan. Tapi haru songon i pe muda na marsala do au antong, bunu ma au, tapi ulang ma pasahat au tu amanta.”

1 SAMUEL 22:13

Disapai si Saul ma tusia, “Biasi satahi ho dohot si Daud laho mangalo au? Biasi dilehen ho balanjonia roti jana dilehen ho podang dohot dipangido ho panogu-noguon sian Debata? Jadi gabe dialo ia au saonnari jana na painte hatiha hadenggananna ma ia laho mamunu au?”

1 SAMUEL 23:21

Dialusi si Saul ma, “Sai dipasupasu Tuhan ma hamu hara ni burjumunu tu au!