Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 SAMUEL 22:16 - BIBEL JAMITA NA DENGGAN

16 Tapi didok raja i ma, “Ahimelek, angkon mate ho dohot kahanggimu.”

အခန်းကိုကြည့်ပါ။ ကော်ပီ




1 SAMUEL 22:16
14 ပူးပေါင်းရင်းမြစ်များ  

Dompak na nibunu ni si Isebel angka panurirang ni Tuhan, ditolong si Obaja do saratus halak panurirang ni Tuhan, ditabunihon ia halahi di angka liang – lima pulu halak di sada liang – jana dilehen ia panganon dohot inumon ni halahi.)


Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”


Jana dung diboto ia na halak Jahudi do hape si Mordehai, dibaen ia ma haputusan laho manguhum si Mordehai jana nada hum ia sajo, tapi na giot pusaonnia muse ma sandok bangso Jahudi na di harajaan Persia.


Parjahat na markuaso tu halak na marhahurangan, songon singa na marngaur sanga songon gompul na manyoro do i.


Umbege i gabe muruk sajo ma raja i jana diparentahon ia ma anso dibunu sude angka halak na malo-malo na adong di Babel.


Dialusi raja i ma, “Madung hubaen hatontuan songon on: Angkon paboaonmunu do nipi i tu au, songon i dohot astuanna. Muda nada tolap hamu, ponggol-ponggolon noma hamu jana bagasmunu angkon rumpakkononkon.


Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.


Disuru Raja Herodes ma na manjalahi si Petrus, hape nada dapot halahi be ia. Jadi diparentahon Raja Herodes ma anso nipareso angka tentara panjago i lalu nibunu. Dung i kehe ma Raja Herodes sian Judea tu Kaisarea, disi ma ia maringanan sanga na sadia honok.


Ulang bunu hamu simatobang hara ni hajahatan na nibaen ni angka dakdanakna; jana ulang bunu hamu dakdanak hara ni hajahatan ni simatobangna. Hum hara ni hajahatan na nibaenna sandiri do anso tola niuhuman sada-sada halak.


Didok si Saul ma tusia, “Sai hona uhum ni Debata ma au anggo so mate hona uhum ho, Jonatan!”


Na so diboto ho dehe anggo salolot mangolu si Daud na so tarbaen ho gabe raja di luat on? Saonnari suruhon ma halak manjalahi dohot maroban ia tuson, harana angkon mate do ia!”


Tutu ma da i na mangido panogu-noguon au tu Debata salaho tusia, tapi nada i be na parjolo hubaen songon i. Salaho tu na mambaen partahian laho mangalo raja i, ulang ale dituhas raja i au sanga pe sian tonga-tonga ni bagasku. Nada hupaboto-boto sanga aha anggo salaho tu pangalaho i!”


Lalu diparentahon ia ma songon on tu angka pangawal na jongjong di lambungnia i, “Tole, bunu hamu angka malim ni Tuhan on! Na dung saroha do halahi dohot si Daud. Diboto halahi do antong na lari ia, hapengani nada ra halahi paboahonsa tu au.” Tapi nada ra angka pangawal i palalu tangan laho mamunu angka malim ni Tuhan i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ