1 SAMUEL 21:12 - BIBEL JAMITA NA DENGGAN

¹² Manggangu ma angka hata i tu pikiran ni si Daud jana gabe mabiar situtu ma ia mida Raja Akhis.

1 SAMUEL 21:12 ပူးပေါင်းရင်းမြစ်များ

PAMUNGKAAN 26:7

Jadi di na nisapaan ni angka halak na disi salaho tu si Ribka, didok si Ishak ma ibotonia do i jana nada dongan saripenia. Biar roha ni si Ishak betak sai bunuon ni halak na disi ia laho mambuat si Ribka na santak jogi i.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 34:4

Martangiang au, gabe dialusi Tuhan, dipalua Ia do au sian sandok sihabiaran.

MASMUR 56:3

Muda mabiar au, mararop roha tu Ho do au.

LUKAS 2:19

Tapi anggo si Maria disimpan ia ma sudena i di bagasan rohania mamikirkon sanga aha arti ni sudena i.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

1 SAMUEL 18:7

Lalu marmoga-moga laing marendei ma angka anakboru i songon on, “Si Saul mamunu marribu-ribu musu, tapi si Daud mamunu marpulu ribu.”

1 SAMUEL 21:10

Laing di na sadari i do si Daud kehe maporus sian si Saul, lopus lalu ia tu si Akhis raja ni Gat.

1 SAMUEL 21:13

Jadi gabe dipauba si Daud ma pangalahonia di jolo ni halak na bahat. Di na niuji ni halahi laho manahan ia, dijomahi ia pintu horbangan ni kota i jana dipadiar ia ma maderder dedenia i lalu tu janggutnia i.