1 SAMUEL 20:8 - BIBEL JAMITA NA DENGGAN

⁸ Na mangido tolong ma au tu ho, dibaen na dung mamudun janji do hita di adopan ni Tuhan. Tapi haru songon i pe muda na marsala do au antong, bunu ma au, tapi ulang ma pasahat au tu amanta.”

1 SAMUEL 20:8 ပူးပေါင်းရင်းမြစ်များ

PAMUNGKAAN 24:49

Saonnari, muda adong do rohamunu mambaen na denggan tu tuanki bope laho manggohi na patut sibaenonmunu tusia, dok hamu ma tu au; tapi muda nada, laing dok hamu ma da antong tu au anso tarputuskon au sanga aha na giot baenonku.”

PAMUNGKAAN 47:29

Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

2 SAMUEL 14:32

Dialusi si Absalom ma, “Hara ni na so ra i do ho ro di na husuru pio i. Na giot suruonku do ho nian mangadop tu raja i laho palaluhon sapa-sapangkon. ‘Aha do gunana morot au sian Gesur di na ro au tuson? Gumonan hian do laing disi au.’ ” Dung i dipaudut si Absalom ma, “Usahahon ma anso tarbaen au mangadop tu raja i, jana muda laing na marsala dope au, rade do au mate hona uhum.”

1 JUJUR TAON 12:17

Didapotkon si Daud ma halahi jana didok ma, “Anggo na giot mandongani au do hamu ro tuson, denggan ma i dison hamu. Jop do rohanami laho manjagit hamu. Tapi muda na giot manghianat au do tu musu maksudmunu, haru pe nada hujungkati hamu, Debata na nisomba ni angka ompunta i ma na umbotosa, jana Ia ma na manguhumi hamu.”

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

PODA 3:3

Sai totop ma ho marholong ni roha jana pangalahomu pe setia tu Debata dohot tu donganmu. Paingot-ingot ma i jana simpan di bagasan rohamu,

BAENON NI ANGKA RASUL 25:11

Muda na sala ma au tu aturan jana muda na patut ma au mate niuhuman, rade do au mate. Tapi anggo na so tutu do adu-aduan ni halahi i, sanga ise pe nada marhak laho pasahatkon au tu halahi. Hupangido, di jolo ni Kesar i ma au niadilan,” ning ia.

JOSUA 2:14

Jadi didok bayo sidua halak i ma tusia, “Marjanji ma hami, muda lehenon ni Tuhan luat on tu hami, denggan do baenonnami tu hamu asal ma nada dipaboa ho sanga na tu ise pe taringot tu hami. Sai mate ma hami, muda nada hami patulus janjinami on.”

JOSUA 22:22

“Debata do Na Sun Markuaso! Ia do Tuhan! Debata do Na Sun Markuaso! Ia do Tuhan! Diboto Ia do sanga hara ni aha umbaen na hami patupa pangalaho on jana giotnami pe ulang so dohot hamu nian umbotosa! Sugari na tutu hami baen pangalaho i mardongan maksud mangalo Tuhan sanga hara ni na so porsaya be hami tuSia, bunu hamu ma hami saonnari!

RUT 1:8

didok si Naomi ma tu parumaennia na dua i, “Mulak ma da hamu tu bagas ni inanta hamu. Sai burju ma Tuhan tu hamu songon haburjuonmunu tu au dohot tu angka mandiang i.

1 SAMUEL 18:1

Dung sidung si Saul dohot si Daud na manghobar-hobari i, lohot ma roha ni Jonatan tu si Daud, lalu holong ma rohania tu si Daud songon dirinia sandiri.

1 SAMUEL 18:3

Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.

1 SAMUEL 20:16

ulang antong gabe magotap parjanjianta antara hita na dua. Muda jabat magotap, sai Tuhan ma manguhumi ho.”

1 SAMUEL 20:9

Dialusi si Jonatan ma, “Ulang pola ganggu rohamu disi! Muda dung torang do huboto na dung putus roha ni amanta laho mangago ho, torang do i paboaonku tu ho.”

1 SAMUEL 23:18

Dung i mamudun janji parale-aleon ma si Daud dohot si Jonatan di adopan ni Tuhan. Dung salpu i mulak ma si Jonatan tu bagasnia, tapi anggo si Daud laing tinggal do di Hores.