1 SAMUEL 20:5 - BIBEL JAMITA NA DENGGAN

⁵ Dialusi si Daud ma, “Ancogot Pesta Bulan Na Imbaru, jana somalna angkon rap mangan do au dohot raja i. Antong muda diloas ho do, kehe ma au anggo songon i martabuni di halongonan lopus tu haduan andospotang.

1 SAMUEL 20:5 ပူးပေါင်းရင်းမြစ်များ

2 RAJA-RAJA 4:23

“Biasi ingkon sai saonnari ho kehe?” ning halaklahinia i manyapai. “Nada Ari Sabat da sadari on, jana nada Ari Pesta Bulan Na Imbaru.” “Nada pola na bia,” ning ia.

MASMUR 55:12

Sugari musu na manggorahon au, laing tahan dope da au. Sugari musu na manilakoi au, laing tarbaen au dope sian ia martabuni.

MASMUR 81:3

Ombus ma sarune di ari pestanta, di pesta bulan baru dohot bulan tula.

PODA 22:3

Monjap do halak na marroha muda diida ro jaya; anggo halak na bodo sai mardalan do torus gabe marmara.

AMOS 8:5

Didok hamu tu dirimunu sandiri, “Na lolot ma so sidung ari pesta. Sai giot gadisonta tibu angka gandumta, hape laing so marnasidung do pesta i. Andigan dope sidung Ari Sabat, anso tarbaen mangulahi marjagal? Ma por rohanta mangakal-akali, mangicu dohot parsuhatan, jana mambuat dohot timbangan.

BILANGAN 10:10

Bope di angka ari sijop ni rohamunu, i ma di angka Pesta Bulan Na Baru, dohot pesta-pesta ugamo na asing i, angkon paluonmunu do sarune i dompak manghaulkon haul situtungon dohot haul haluaan tu Au, dung i urupanKu ma hamu, angke Au do Tuhan Debatamu.”

BILANGAN 28:11

“Ganop bona ni bulan angkon haulkonon tu Tuhan haul situtungon, i ma: dua lombu jantan na poso, sada biri-biri jantan, pitu anak ni biri-biri jantan na marumur sataon, sudena i na so martihas.

JOHANNES 8:59

Dung i dibuat angka halak Jahudi i ma batu giot mandanggur Jesus; tapi martabuni ma Jesus, lalu kehe Ia morot sian Bagas Ni Debata i.

BAENON NI ANGKA RASUL 17:14

Diompoti angka dongan na porsaya i ma manaruhon si Paulus tu topi ni laut. Tapi anggo si Silas dohot si Timoteus laing di kota i dope halahi.

KOLOSSE 2:16

Jadi hara ni i, ulang ma padiar hamu digorahon halak hamu hara ni sipanganon sanga siinumon sanga hara ni ari pesta ni ugamo, sanga angka pesta poltak ni bulan sanga pe hara ni Ari Sabat.

1 SAMUEL 19:2

jadi gabe didok ia ma tu si Daud, “Sai giot bunuon ni damang do ho; jadi jago ma ho! Martabuni ma ho ancogot manyogot di inganan na buni jana disi ma ho tinggal.

1 SAMUEL 20:18

Dung i didok si Jonatan ma tusia, “Ancogot Pesta Bulan Baru. Tangkasma habotoan na so tarida ho disi, harana gabe kosong ma ingananmu hian di meja makan;

1 SAMUEL 20:19

mur ma haduan! Jadi, kehe ma ho tu partabunianmu na salpu i jana dibalik ni batu na martimbun na disi i ma ho.

1 SAMUEL 20:24

Dung i martabuni ma si Daud di halongonan. Di Pesta Bulan Baru i, ro ma Raja Saul tu pesta parmanganan i.

1 SAMUEL 20:27

Di ari na mangihut, i ma ari paduahon Bulan Baru, laing kosong dope inganan ni si Daud humani. Gabe marsapa ma si Saul tu si Jonatan, “Biasi nada ro natuari dohot sadari on si Daud tu pesta on?”

1 SAMUEL 20:4

Dung i didok si Jonatan ma, “Sanga aha na nidokmu baenonku, hubaen pe.”

1 SAMUEL 20:6

Muda disapai amanta biasi nada disi au, dokkon ma, na dung marpaboa hian au tu ho na manigor mulak au tu Betlehem, hara ni na mambaen haul siganop taon disi hami na sabagas sudena.