1 SAMUEL 20:34 - BIBEL JAMITA NA DENGGAN

³⁴ Mardongan muruk na marpiar-piar ditadingkon si Jonatan ma meja parjamuan i jana nada mangan bagi aha ia di ari paduahon Pesta Bulan Baru i. Sun dokdok ni rohania pasari-sari si Daud na nipalayas ni si Saul amangnia i.

1 SAMUEL 20:34 ပူးပေါင်းရင်းမြစ်များ

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

1 SAMUEL 20:33

Umbege i, didanggurkon si Saul ma tombaknia tu si Jonatan laho mamunusa. Jadi diboto si Jonatan ma torang na marsitutu amangnia i laho mamunu si Daud.

1 SAMUEL 20:35

Ancogotna i kehe ma si Jonatan tu halongonan laho marsuo dohot si Daud songon na nitahihon ni halahi hian. Dioban ia ma sada hatobanna dakdanak halaklahi,