1 SAMUEL 20:32 - BIBEL JAMITA NA DENGGAN

³² Jadi dialusi si Jonatan ma, “Biasi angkon sai mate ia? Aha dosania?”

1 SAMUEL 20:32 ပူးပေါင်းရင်းမြစ်များ

PAMUNGKAAN 31:36

Gabe muruk ma si Jakob, “Aha ma he hajahatan na hubaen lakna?” ning ia manyonggak. “Aturan dia ma he na hulanggar umbaen na adong hakmu dihilala ho laho mangkojar-kojar au?

PODA 22:24

Ulang nipardongan halak na mura muruk.

PARJAMITA 7:9

Ulang mura biraraon; hum halak na oto do na patiop-tiop hosom.

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

MATEUS 27:23

“Aha ma hajahatanNia?” ning si Latus. Tapi mur gogo ma halahi marsurak, “Parsilangkon i!”

LUKAS 23:22

Dung i patolu nolihon marsurak ma si Latus tu halahi. Ninna si Latus ma, “Aha ma he hasalaanNia? Nada adong dapot au sada pe hasalaan diSia na patut uhumon Ia tu hamatean! Huajar ma Ia, dung i baru ma anso hupalua.”

JOHANNES 7:51

“Anggo mangihutkon Tona i nada tola hita manguhum-uhumi halak, anggo so jolo nibege dope parkarona, jana anggo so jolo dipareso sanga aha na nibaenNia.”

1 SAMUEL 18:11

“Hupantikkon ma si Daud on tu dinding i!” ning rohania, lalu dipantomkon ia tombak i jabat dua noli tu si Daud, tapi sai tarciletkon si Daud antong.

1 SAMUEL 19:4

Dung i dihatahon si Jonatan ma angka na denggan salaho tu si Daud tu si Saul, “Amang, ulang ma antong mardosa ho maradophon si Daud naposomi. Harana nada adong hasalaan dibaen ia tu amang, balikna do, na dung bahat do na denggan dibaen ia tu amang.

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”

1 SAMUEL 20:1

Dung i lari ma si Daud sian Nayot jana kehe ma ia mandapotkon si Jonatan lalu manyapai, “Aha dehe salangku? Hajahatan dia do na hubaen jana apala aha do dosangku tu amanta umbaen na giot bunuonna au?”

1 SAMUEL 20:7

Muda didok amanta, ‘Denggan,’ gabe malua ma au, tapi muda gabe muruk do ia, botoonmu ma disi na dung mambaen haputusan amanta laho mangago au.

1 SAMUEL 22:14

Jadi dialusi si Ahimelek ma, “Panglima na umburju do si Daud di raja i! Babere ni raja i sandiri do antong ia, kapala ni pangawal ni raja i sandiri, jana na diparsangapi ni sude halak na adong di bagas godang ni raja i tusia.